shrimadbhagavadgita tattvavivechani hindi-tika -jayadayal goyandaka
chaturth adhyay
uttar- sadhan ki tatparata mean bhi shraddha hi karan hai aur tatparata shraddha ki kasauti hai. shraddha ki kami ke karan sadhan mean akarmanyata aur alasy adi dosh a jate haian. isase abhyas tatparata ke sath nahian hota. shraddha ke tattv ko n janane vale sadhak log apani tho di-si shraddha ko bhi bahut man lete haian; par usase kary ki siddhi nahian hoti, tab ve apane sadhan mean tatparata ki truti ki or dhyan n dekar yah samajh lete haian ki shraddha hone par bhi bhagavatprapti nahian hoti. kiantu aisa samajhana unaki bhool hai. vastav mean bat yah hai ki sadhan mean jitani shraddha hoti hai, utani hi tatparata hoti hai. jaise ek manushy ka dhan mean prem hai, vah koee vyapar karata hai. yadi usako yah vishvas hota hai ki is vyapar se mujhe dhan milega, to vah us vyapar mean itana tatpar ho jata hai ki khana-pina, sona, aram karana adi ke vyatikram hone par tatha sharirik klesh hone par bhi use usamean kasht nahian maloom hota; balki dhan ki vriddhi se uttarottar usake chitt mean prasannata hi hoti hai. isi prakar any sabhi batoan mean vishvas se hi tatparata hoti hai. isaliye param shanti aur param anandadayak, nity vijnananandaghan paramatma ki prapti ka sakshath dvar jo paramatma ke tattv ka jnan hai, usamean aur usake sadhan mean shraddha hone ke bad sadhan mean atishay tatparata ka hona svabhavik hi hai. yadi sadhan mean tatparata ki kami hai to samajhana chahiye ki shraddha ki avashy kami hai. isi bat ko janane ke liye ‘shraddhavanh’ ke sath ‘tatparah’ visheshan diya gaya hai. prashn- shraddha aur tatparata donoan hone par to jnan ki prapti hone mean koee shanka hi nahian rahati, phir shraddhavanh ke sath doosara visheshan ‘sanyatendriyah’ dene ki kya avashyakata thi? uttar- isamean koee sandeh nahian ki shraddhapoorvak tivr abhyas karane se papoan ka nash evan sansar ke vishay bhogoan mean vairagy hokar manasahit indriyoan ka sanyam ho jata hai aur phir paramatma ke svaroop ka yatharth jnan bhi ho jata hai; kiantu is bat ke rahasy ko n janane vala sadhak tho de-se abhyas ko hi tivr abhyas man leta hai; usase kary ki siddhi hoti nahian, isaliye vah nirash hokar usako chho d baithata hai. atev sadhak ko savadhan karane ke liye ‘sanyatendriyah’ visheshan dekar yah bat batalayi gayi hai ki jab tak indriy aur man apane kaboo mean n a jayan tab tak shraddhapoorvak katibaddh hokar uttarottar tivr abhyas karate rahana chahiye; kyoanki shraddhapoorvak tivr abhyas ki kasauti indriy sanyam hi hai. jitana hi shraddhapoorn tivr abhyas kiya jata hai, uttarottar utana hi indriyoan ka sanyam hota jata hai. atev indriy sanyam ki jitani kami hai, utani hi sadhan mean kami samajhani chahiye aur sadhan mean jitani kami haian utani hi shraddha mean truti samajhani chahiye- isi bat ko janane ke liye ‘sanyatendriyah’ visheshan diya gaya hai. prashn- jnan ko prapt hokar vah bina vilamb ke- tatkal hi bhagavatpraptiroop param shanti ko prapt ho jata hai, is kathan ka kya bhav hai? uttar- isase yah bhav dikhalaya gaya hai ki jaise sooryoday hone ke sath hi usi kshan andhakar ka nash hokar sab padarth pratyaksh ho jate haian, usi prakar paramatma ke tattv ka jnan hone par usi kshan ajnan ka nash hokar paramatma ke svaroop ki prapti ho jati hai.[1] abhipray yah hai ki ajnan aur usake karyaroop vasanaoan ke sahit rag-dvesh, harsh-shok adi vikaroan ka tatha shubhashubh karmoan ka atyant abhav, paramatma ke tattv ka jnan evan paramatma ke svaroop ki prapti- ye sab ek hi kal mean hote haian aur vijnananandaghan paramatma ki sakshath prapti ko hi yahaan param shanti ke nam se kaha gaya hai. |
tika tippani aur sandarbh
- ↑ 5/16
sanbandhit lekh
kram sankhya | vishay | prishth sankhya |
varnamala kramanusar lekh khoj