tritiy adhyay
prashn- yahaan ‘yatha’ aur ‘tatha’- in donoan padoan ka prayog karake bhagavanh ne kya bhav dikhalaya hai?
uttar- svabhavik sneh, asakti aur bhavishy mean usase sukh milane ki asha hone ke karan mata apane putr ka jis prakar sachchi hardik lagan, utsah aur tatparata ke sath lalan-palan karati hai, us prakar doosara koee nahian kar sakata; isi tarah jis manushy ki karmoan mean unase prapt hone vale bhogoan mean svabhavik asakti hoti hai aur unaka vidhan karane vale shastroan mean jisaka vishvas hota hai, vah jis prakar sachchi lagan se shraddha aur vidhipoorvak shastr vihit karmoan ko saangopaang karata hai, us prakar jinaki shastroan mean shraddha aur shastr vihit karmoan mean pravritti nahian hai, ve manushy nahian kar sakate. atev yahaan ‘yatha’ aur ‘tatha’ ka prayog karake bhagavanh yah bhav dikhalate haian ki ahanta, mamata, asakti aur kamana ka sarvatha abhav hone par bhi jnani mahatmaoan ko keval lok sangrah ke liye karmasakt manushyoan ki bhaanti hi shastr vihit karmoan ka vidhipoorvak saangopaang anushthan karana chahiye.
prashn- yahaan ‘vidvanh’ ka arth tattvajnani n manakar shastr jnani man liya jay to kya hani hai?
uttar- ‘vidvan’ ke sath ‘asaktah’ visheshan ka prayog hai, is karan isaka arth keval shastr jnani hi nahian mana ja sakata; kyoanki shastr jnan matr se koee manushy asakti rahit nahian ho jata.
prashn- ‘lokasangrahan chikirshuah’ pad se yah siddh hota hai ki jnani mean bhi ichchha rahati hai; kya yah bat thik hai?
uttar- haan, rahati hai; parantu yah atyant hi vilakshan hoti hai. sarvatha ichchha rahit purush mean hone vali ichchha ka kya svaroop hota hai, yah samajhaya nahian ja sakata; itana hi kaha ja sakata hai ki usaki yah ichchha sadharan manushyoan ko karm tatpar banaye rakhane ke liye kahane matr ki hi hoti hai. aisi ichchha to bhagavanh mean bhi rahati hai. vastav mean to yah ichchha ichchha hi nahian hai, atev yahaan ‘lokasangrahan chikirshuah’ se yah bhav samajhana chahiye ki kahian usaki dekha-dekhi doosare log apane kartavy-karmoan ka tyag karake nasht-bhrasht n ho jayan, is drishti se jnani ke dvara keval lokahitarth uchit cheshta hoti hai; siddhantatah isake atirikt usake karmoan ka koee doosara uddeshy nahian rahata.
|