bhagavat dharm mimaansa
5. varnashram-sar
trividhan narakasyedan dvaran.......kamah krodhah tatha lobhah .
kam-krodh-lobh, ye narak ke tin daravaje haian. gita ne unaka nishedh kiya hai. bhagavat kahati hai ki kam-krodh-lobh se mukti pana charoan varnoan ka kartavy hai, sab manushyoan ka kartavy hai.
isase bhi b di bat aur bata rahe haian : bhootapriy-hiteha –sab praniyoan ka priy karana, sab praniyoan ke hit ki bat karana, seva karana. adhunik bhasha mean kahana ho to ‘sarvoday’ ka kam karana. isaki jimmevari charoan varnoan par hai –dharmoayan sarvavarnikah. ajakal jise ham ‘samaj-seva’ kahate haian, vah sab isamean a jati haian. isamean vyapak drishti hai. ahiansa, saty, astey – ye tin vyakti aur samaj ke lie buniyadi chijean haian. akam-krodh-lobhata chitt-shuddhi ke lie atyant avashyak hai. kam-krodh-lobh se mukti paye bina chitt-shuddhi nahian aur chitt-shuddhi ke bina samaj-seva bhi sanbhav nahian.
mukhy bat yah hai ki ham sabako samaj ki seva karani hai. yani us-us varn ke jo kam haian, unake alava sab bhootoan ka priy karana aur sab bhootoan ke hit ki ichchha karana bhi sarvasadharan ka dharm hai. man lijiye, yahaan joradar ag lag gayi. ag bujhana yahaan ki nagarapalika ka vishesh kartavy hai. lekin nagarikoan ka bhi kartavy hai ki ve ag bujhane ki koshish karean. brahman, kshatriy, vaishy, shoodr sabhi nagarik usake lie koshish karean. matalab yah ki yadyapi varnoan ke kam bante hue haian, phir bhi sarvoday aur logoan ki seva ke aise asankhy kam rah jate haian, jinake karane ki jimmevari har ek varn par hai.
nagar mean kahian danga ho raha hai, to pulis ya sena ka kartavy hai ki use kaboo mean rakhe. in logoan ko ham ‘kshatriy’ nam de sakate haian. danga bujhane ka kam unaka hai, yah mani huee bat hai. lekin us samay hamara bhi kuchh kartavy hota hai. hamara kartavy hai ki tatkal vahaan chale jaean aur logoan ko samajhane ka prayatn karean. shanti-sena ka pila sapha baandhane ki bhi avashyakata nahian. pila sapha pahanana to ek vrat hai ki ham aise dangoan mean apana balidan bhi deange. lekin samany nagarik ka kartavy hai ki vah danga mitane ki koshish kare.
yah samaj-seva ki, manavata ki drishti hai. mana jata hai ki prachinoan ne adhyatmik sadhana ke lie saty, ahiansadi vrat kahe aur mahatma gaandhi ne unhean samaj-seva ke lie lagoo kiya. yah saty hai –adhunik jamane mean kuchh had tak yah saty hai, lekin poorn saty nahian. bhagavat mean yah bat kahi gayi hai. mahatma gaandhi ne hamare samane bilakul nayi chij rakhi, so nahian. phir bhi ham use bhool rahe the. isilie hamean laga ki vah nayi chij hai. gaandhiji ne kabhi dava nahian kiya ki maian nayi chij logoan ke samane rakh raha hooan. ulta ve kahate ki ‘hamare’rrishi-muniyoan ne jo bat kahi thi, usake amal mean apani takat laga raha hooan aur vahi chij logoan ke samane rakh raha hooan.'
charoan varnoan ke saman dharm bataye. ab charoan ashramoan ke saman dharm bata rahe haian. ek ashram hai brahmachary. ‘brahmachary’ yani vidyarthi ka ashram, vidyadhyayan karana. ajakal vidyarthi dange adi mean adhik ruchi lete haian. rajanitik parti vale unaka sahara lete aur dange adi mean vidyarthiyoan ka mukhy hath ho jata hai. n mata-pita unako rokate haian, n guru ji aur n rajy hi unhean rok pata hai. aj aisi halat sari duniya mean hai, keval apane desh mean nahian. lekin yah vidyarthiyoan ka kartavy nahian. vidyarthiyoan ka kartavy hai – brahmachary ka palan, guru ki seva, vedadhyayan, dharmagranthoan ka adhyayan, vijnan ka adhyayan.
phir grihasthadharm hai, jise ham ‘nagarik ka dharm’ kahate haian. sara kartavy grihasthoan ko karana hai. utpadan badhana grihasthoan ka kam hai. phir vanaprasthashram hai. vanaprasthashram mean sare samaj ko margadarshan dena, talim ka iantajam karana, yah kartavy hai. vanaprasthashram ke bad hai – sannyasashram. sannyasi to atmajnani hai. sannyasi samaj ko atmajnan de, bhakti ka marg bataye. yah sara kam sannyasiyoan ka hai. lekin in charoan ashramoan ke lie koee ek saman tattv hai ya nahian? bhagavatakar bata rahe haian :
|
