|
gita-prabandh -shri aravind
9. saankhy, yog aur vedaant
"saankhy dvara jo avastha prapt hoti hai yogi bhi vahian pahuanchate hai; saankhy aur yog donoan ko jo ek dekhata hai, vahi dekhata hai. par yog ke bina sannyas kathin hai ; jo muni yog karata hai vah shighr brahm ko prapt hota hai; usaki atma sari srishti ki atma ho jati hai, aur karm karate hue bhi vah unamean lipt nahian hota.“[1] vah janata hai karm usake nahian haian balki prakriti ke haian aur isi jnan ke dvara vah mukt hai; vah karmasannyas kar chuka hai, vah koee karm nahian karata, yadyapi usake dvara karm hota hai; vah atma ho jata hai, brahmabhoot ho jata hai, vah dekhata hai ki is srishti ke samast prani usi ek svatah siddh satta ke vyakti roop, bhootani, haian aur vah svayan anek vyakt roopoan mean se ek hai, vah dekhata hai ki inake samast karm keval vishv-prakriti ka vikasamatr haian jo unake vyashtigat svabhav ke aandar se kary kar rahi hai aur vah dekhata hai ki usake apane karm bhi isi vishv-kriya ka hi ek aanshamatr haian. gita ki sanpoorn shiksha yahi nahian hai; kyoanki yahaan tak keval avikary atma ya purush, arthath akshar brahm ka aur us prakriti ka hi varnan hai jo visarjan ka karan hai, abhi tak eeshvar ko, purushottam ki bat saph taur par nahian kahi gayi hai; yahaan tak karm aur jnan ka hi samanvay sadhit hua hai, kiantu abhi tak, kuchh sanket matr kiye jane par bhi, bhakti ka vah param tattv nahian vivrit kiya gaya jo age chalakar itana mahattvapoorn ho jata hai; yahaan tak keval ek akarta purush aur apara prakriti ki hi bat kahi gayi hai, abhi tak trividh purush aur dvividh prakriti ka spashtikaran nahian kiya gaya hai. eeshvar ki bat ayi to jaroor hai, par eeshvar ka atma aur prakriti ke sath kya sanbandh hai yah nishchat roop se nirdisht nahian hua.
pratham chhah adhyayoan mean jo samanvay sadhit hua hai vah utana hi hai jitana ki age bataye gaye ati mahattvaparn satyoan ki vyakhya ke bina ho sakata hai aur jab in satyoan ka pravesh hoga to isase poorv-sadhit samanvay ka parihar to nahian hoga, balki vah bahut kuchh vistrit aur parivartit ho jayega. shrikrishn kahate haian ki purush ki nishtha do prakar ki hoti hai jisase vah brahmi sthiti ko prapt hota hai; “saankhyoan ki jnanayog ke dvara aur yogiyoan ki karm yog ke dvara.“2 yahaan saankhy ka jnanayog se aur yog ka karmamarg se jo tadatmy bataya gaya hai vah dhyan dene yogy hai, kyoanki isase pata chalata hai ki un dinoan aj ki vedaant se prabhavit paddhati se bilakul bhinn vichar-paddhati prachalit thi. bharatiy chiantan par mahan vaidaantik vikas ke phal–svaroop-spashtatah yah gita ki rachana ke bad ki bat hai-moksh ke vyavaharik sadhan ke roop mean any vaidik darshanoan ka chalan nahian raha.
|
|