|
gita-prabandh -shri aravind
7.ary kshatriy -dharm
arjun shrikrishn ko uttar dete hue phatakar ko svikar karata hai, halaki ab bhi vah unake adesh ka palan karane se hichakachata aur inakar karata hai. vah apani durbalata ko janata hai, phir bhi usake adhin hokar rahana chahata hai. usake hriday ki kripanata ne usake asali vir svabhav ko parabhoot kar diya hai; usaki sari chetana dharmasanmoodh ho gayi hai aur vah apane sakh bhagavanh ko apane gururoop se varan karata hai; parantu usane apane dharm-jnan ka samarthan jin bhavavegamay aur bauddhik adharoan par kiya tha, ve ekadam gir gaye haian aur vah guru ke aise adesh ko nahian svikar kar sakata jo usaki najar mean usake purane drishtikon ke jaisa hi hai aur karm-sanbadhi koee naya adhar nahian deta. isaliye ab bhi vah upasthit karm n karane ki bat ka hi samarthan karane ki cheshta karata hai aur usaki pushti mean apani snayaviy aur savedanatmak satta ke dave ko upasthit karata hai jo is hatyakaand se aur isake rakt se sane hue bhagoan ke parinam se kaanpati hai, apane hriday ke dave ko upasthit karata hai jo sanhar-karm se isaliye pichhe hatata hai ki isase jivan khokhala aur udas ho jayega, apane prachalit naitik vicharoan ke dave ko upasthit karata hai jo isaliye bhayabhit ho gaye haian ki bhishm aur dronachary jaise guruoan ki hatya karana avashyak hoga, apani tarkabuddhi ke dave ko upasthit karata hai jo usako saupe gaye bhishan aur prachand karm mean koee bhi bhalaee nahian dekhati, balki jisamean use buraee-hi-buraee najar ati hai.
usane yah nishchay kar liya hai ki ab tak jin vicharoan aur prerak bhavoan ke adhar par vah l d sakata tha unake adhar par to vah ab nahian l dega aur is nishchay ke sath vah maun hokar baith gaya aur apani apattiyoan ke uttar ki pratiksha karane laga, vah samajhata tha ki in apattiyoan ka koee uttar nahian ho sakata. shrikrishn sabase pahale arjun ki ahamatmak satta ke in davoan ka nirakaran karate haian jisase usake aandar aise uchchatar dharm ke liye sthan khali ho jaye jo karm ke samast ahamatmak prerak hetuoan se pare hai. shriguru ka uttar do vibhinn dharaoan par chalata hai. pahala sankshipt uttar ary-sanskriti ki uchchatam bhavanaoan ke adhar par hai jisamean arjun pala hai, doosara, sarvatha bhinn prakar ka aur adhik vyapak hai, usaka adhar hai vah adhik aantarang jnan jo hamari satta ke ganbhiratar satyoan mean hamara pravesh karata hai, aur vahian se gita ki vastavik shiksha aranbh hoti hai. pahala uttar vedaant-darshan ki darshanik aur naitik dharana par tatha kartavy aur svabhiman-sanbadhi samajik bhavana par avalanbit tha aur ye hi the aryoan ke samaj ke naitik adhar.
|
|