|
gita-prabandh -shri aravind bhag-2
khand-2 : param rahasy
16.adhyatmik karm ki paripoornata
ve sabake aandar upasthit haian, sab unake aandar rahate haian, sab kuchh svayan ve hi haian kyoanki sab kuchh unaki satta ki sanbhooti hai, unaki satta ka aansh ya roop hai. parantu yahaan sab kuchh ek nimnatar aanshik kriya ke dvara hi chal raha hai jo ek gupt, uchchatar, mahattar evan poornatar bhagavat prakriti se, parameshvar ki shashvat anant prakriti ya poorn atm-shakti, devatmashakti, se udabhoot huee haian yadi ham sada bhagavat karm tatha apani satta ke is vastavik saty mean nivas karean to manav ke aandar chhipi huee poorn samagr-chetan atma,-devadhidev ka sanatan aansh, sanatan bhagavat purush ka aanshabhoot adhyatmik purush -hamare aandar udghatit ho sakati hai aur sath hi hamean bhagavan ki or udghatit bhi kar sakati hai. bhagavan ke jijnasu ko apani akshar aur shashvat nirvyaktik satta ke saty mean pravesh karana hoga aur sath hi use sarvatr un bhagavan ko dekhana hoga jinase vah utpann hua hai, unhean sarv ke roop mean dekhana hoga, is sari ki sari kshar prakriti mean tatha isake har ek bhag aur har ek parinam mean tatha isake sabhi karyoan mean dekhana hoga, aur in sabamean bhi use apane-apako bhagavan ke sath ek karana hoga, inamean bhi use bhagavan ke aandar rahana hoga, inamean bhi use bhagavat ekatv ke aandar pravesh karana hoga.
is tarah us samagrata mean vah apani ganbhir tattvik satta ki divy sthirata evan svatantrata ko apani divyikrit prakrit satta ke aandar rahane vali yantratmak karm ki paramochch shakti ke sath ekibhoot kar dega. parantu yah kiya kaise jaye? sarvapratham, ise apane karm sambandhi sankalp mean yatharth bhavana dharan karake sanpann kiya ja sakata hai. jijnasu ke liye yah avashyak hai ki vah apane samast karm ko un sarvakarmamaheshvar ke prati yajnaroop samajhe jo sanatan aur vishvavyapi purush haian, usaki apani uchchatam atma tatha any sabaki bhi atma haian aur jagat ke aandar param sarvataryami, sarvadhar, sarvaniyanta parameshvar haian. prakriti ka sanpoorn karm aisa hi yajn hai,-vastav mean pahale un divy shaktiyoan ko arpit hota hai, jo prakriti ko gati deti tatha usake aandar gati karati haian, parantu ve shaktiyoan ko arpit ekamev tatha asim dev ki keval simit namaroop hi haian.
|
|