|
gita-prabandh -shri aravind bhag-2
khand-2 : param rahasy
23.gita ka saramarm
isi sthal par gita atma aur paramatma ke vishay mean, eeshvar, jagath aur prakriti ke vishay mean saty ki ek nayi sthapana lekar upasthit hoti hai. jis saty ko ek paravarti vichar dhara ne prachin upanishadoan se lekar upasthit hoti hai. jis saty ko ek paravarti vichar dhara ne prachin upanishadoan se lekar vikasit kiya tha use yah vistrit karati tatha naye saanche mean dhalati hai aur usaki samadhan karak shakti ko jivan tatha karm ki samasya par prayukt karane ke prayas ki or sunishchit pargoan se agrasar hoti hai. vartaman manushy-jati ke samane vah samasya jis roop mean upasthit hoti hai, gitokt samadhan use us roop mean poornataya hal nahian karataah yahaan vah adhik prachin manovriti ke liye prastut kiya gaya hai, atah samoohik pragati ke liye manushy ke adhunik man ki jo agrahapoorn prabal maang hai use vah poori nahian karata, manav-man ek aise samoohik jivan ke liye pukar macha raha hai jo aant mean mahattar baudvik evan naitik adarsh ko aur yatha sanbhav kriyashil adhyatmik adarsh ko bhi moorttimant kare, par yah samadhan usaka pratyuttar nahian deta. gita ka ahman us vyakti ke prati hai jo poorn adhyatmik jivan ke yogy ban chuka hai; kiantu shesh manav jati ke liye to yah keval ek kramik unnati ka hi nirdesh karati hai, vah unnati nishthapoorvak evan adhikadhik buddhipoorvak, naitik uddeshy ko samane rakhakar evan adhyatm ki or aantim roop se abhimukh hokar apani-apani prakriti ke dharm ka palan karate hue jnanapoorvak sanpann karani hoti hai.
isaka sandesh any kam mahattvapoorn samadhanoan ka bhi ullekh karata hai, par jab yah unhean aanshatah svikar karati bhi hai tab bhi unhean unase pare ke ek uchchatar tatha samagratar rahasy ki or marganirdesh karane ke liye hi svikar karati hai, us rahasy mean pravesh pane ke liye ab tak keval gine-chune vyaktiyoan ne hi apane ko yogy siddh kiya hai. jo man pranik tatha daihik jivan ka pichha karata hai usake liye gita ka sandesh yah hai ki nishchay hi jivanamatr vyakti ke aandar vishv-shakti ka prakaty hai, yah atma se hi adbhut hua hai tatha bhagavan ki ek rashmi hai, par vastav mean yah atma aur bhagavan ka vah roop hai jisamean ve avaranakari maya ke aandar chhupe hue haian, aur nimn jivan ko usake nij ke liye anusaran karane ka matalab hai ek bhraantipoorn path par date rahana aur apani prakriti ke tamasachchhann ajnan ko sattadhiroodh kar dena,par isase jivan ka vastavik saty eanv poorn vidhan kadapi upalabdh nahian hota.
|
|