|
gita-prabandh -shri aravind bhag-2
khand-2 : param rahasy
19.trigun,man aur karm
pratham sparsh mean to yah sukh adharoan ke liye sudhamay hota hai, parantu pyale ke tal mean ek prachchhann vish rakha hota hai aur pine ke bad isaka parinam hota hai nirasha ki katuta, vitrishna, klaanti, vidroh, virag, pap, yatana, hani anityata. aur aisa hona anivary hi hai kyoanki in sukho ke bahy roop ve chijean nahian haian jinhe hamari aantarasth atma sachamuch mean jivan se prapt karana chahati hai; bahm roop nashvarata ke pichhe aur pare bhi koee chij hai; koee chirasthayi, santoshaprad aur svatahparyapt vastu bhi hai. atev sattvik prakriti jis chij ko prapt karana chahati hai vah hai uchchatar man tatha aantaratma ki paritripti aur jab vah ek bar apani khoj ka yah brihath lakshy prapt kar leti hai to aantaratma ka shuddh aur nirmal sukh,poornata ki ek avastha, sthayi shaanti aur nirvriti prapt ho jati hai. yah adhyatm. sukh bahm vastuoan par nirbhar nahian karata, balki yah nirbhar karata hai keval hamare apane oopar aur sath hi hamare aandar jo kuchh bhi sarvashreshth tatha aantaratam hai usake prasphutan ke oopar. parantu shuroo-shuroo mean yah sukh hamari samany sanpada nahian hota; ise atm-sadhan, atmik purusharth aur uchch evan kathor prayas ke dvara arjit karana hota hai.
aranbh mean isaka arth hota hai abhyast sukh ki atyadhik hani, bahut adhik kasht aur sangharsh hamari prakriti ke manthan se, shaktiyoan ke duahkhadayi sangharsh se utpatr halahal, hamare aango ki dushpravritti ya pranik cheshtaoan ke agrah ke karan parivartan ke prati atyadhik vidroh aur dushpravritti ya pranik cheshtaoan ke agrah ke karan parivartan ke prati atyadhik vidroh aur virodh, parantu aant mean is katu garal ke sthan par amritattv ki sudha samudbhoot hoti hai aur jaise-jaise ham uchchatar adhyatmik prakriti ki or arohan karate jate haian vaise-vaise hamare duahkh ka aant hota jata hai, shok-santap ka anayas hi lop hota jata hai. yahi vah niratishay sukh hai jo sattvik sadhana ki parinati ki charam choo da ya sima par hamare oopar avatarit hota hai. sattvik prakriti ka atm-atikraman keval tabhi sanpann hota hai jab ham mahanh par abhi bhi ape़kshakrit hin sattvik sukh se pare, manasik jnan auair puny evan shaanti se milane vale sukhoan se pare jakar atma ki shashvat shaanti aur divy ekatv ka adhyatmik paramanand prapt kar lete haian. vah adhyatmik sukh tab sattvik sukh n rahakar paripoorn anand ho jata hai. anand hi vah gupt tattv hai jisase sab vastuean utpatr huee haian jisake dvara sab vastuean jivit rahati haian aur jisaki or ve apani adhyatmik parinati ke samay utrit ho sakati haian. us aannad ki upalabdhi keval tabhi ho sakati hai jab mukt vyakti ahankar aur usaki kamanaoan se mukt hokar, aantatogatva apane uchchatam atma se, sarv bhootoan se tatha parameshvar se ekibhoot hokar adhyatmasatta ke poornatam anand mean nivas karata hai.
|
|