gita-prabandh -shri aravind bhag-2
khand-2 : param rahasy 17.dev aur asur
asurik prakriti rajasik prakriti ki hi charam sima hai; vah prakriti ke aandar jiv ki dasata ki or tatha rajasik ahankar ki tin shaktiyoan, kam, krodh aur lobh ki or le jati hai, aur ye narak trividh dvar haian. jab prakrit jiv apani nimnatar ya vikrit aandhapreranaoan ki apavitrat, dushtata evan bhraanti mean asakt hota hai tab vah is tin dvaroan vale narak mean ja girata hai. aur, phir, ye tinoan mahan aandhakar ke dvar haian, ye mool avidya ki vishisht shakti, tamas ki or le jate hai; kyoanki rajasi prakriti ki uddam shakti jab samapt hoti hai to vah jiv ki nikrishtatam tamasik avastha ki durbalata, adhogati, aandhakar evan akshamata mean ja girati. is patan se bachane ke liye manushy ko in tin ashubh shaktiyoan se chhutakara pana hoga aur sattvagun ke prakash ki or mu dana hoga, yathatath riti se, yatharth sambandhi ke anusar, saty aur dharm ke anusar jivan yapan karana hoga; tabhi vah apane uchchatar shrey ka anusaran kar sakata hai tatha uchchatam atm-par upalabdh kar sakata hai. kamana ke niyam ka aunasaran karana hamari prakriti ka sachcha vidhan nahian hai; isake karmoan ka ek adhik uchch aur nyayasangat adarsh bhi hai. parantu vah kahaan nihit hai ya use kaise prapt kiya jaye? pahali bat yah hai ki manushy jati is nyay aur uchch vidhan ki khoj sada hi karati ayi hai aur jo kuchh usane upalabdh kiya hai vah usake shastr mean lipibaddh hai, vah shastr hai jnan aur vijnan ka vidhan, naitikata, dharm tatha shreshth samajik jivan ka vidhan, manushy, eeshvar aur prakriti ke sath hamare yatharth sanbandhoan ka vidhan. shastr ka abhipray un riti-rivajoan ka samooh nahian jinamean se kuchh achchhe hote haian to kuchh kharab, aur jinaka anusaran tamasik manushy ka abhyas-paravash roodhibaddh man bina samajhe-boojhe hi karata hai. |
tika tippani aur sandarbh
sanbandhit lekh
kram sankhya | path ka nam | prishth sankhya |
varnamala kramanusar lekh khoj