vishay soochi
gita chintan -hanuman prasad poddar
navam adhyay
jo koee bhi bhakt mere liye prem se patr, pushp, phal, jal arpan karata hai, us shuddh-buddhi nishkam premi bhakt ka premapoorvak arpan kiya hua vah patr-pushpadi maian svayan priti sahit khata hooan. arjun! too jo kuchh karata hai, jo khata hai, jo havan karata hai, jo dan deta hai aur jo tap karata hai, vah sab mere arpan kar. (is prakar jisamean samast karm mujh bhagavanh ke arpan hote haian) aise sannyas (samarpan)-yog se yukt chitt vala too shubhashubh phalasvaroop karm bandhan se mukt ho jayaga aur unase mukt hokar mujhako hi prapt hoga. maian sab bhootoan mean sam hooan n koee mera dvesh ka patr hai aur n priy hai; parantu jo bhakt mujhako prem se bhajate haian, ve mujhamean haian aur maian bhi unamean hooan. yadi koee atishay durachari bhi mera anany bhakt hokar mujhako bhajata hai, to vah sadhu hi manane yogy hai; kyoanki vah yatharth nishchay vala hai. vah shighr hi dharmatma ho jata hai aur sada rahane vali param shanti ko prapt hota hai. kuntiputr arjun! too nishchay poorvak saty jan ki mera bhakt nasht nahian hota (usaka apani sthiti se kabhi patan nahian hota). arjun! mere sharan hone par stri, vaishy, shoodr tatha papayoni (chandaladi) koee bhi hoan, ve sab param gati ko hi prapt hote haian. phir jo punyashil brahman tatha rajarshi bhakt haian, unake liye to kahana hi kya hai. isaliye too is sukharahit aur kshanabhangur manushy-sharir ko prapt hokar nirantar mera hi bhajan kar.[1] mujhamean man vala ho, mera bhakt ban, mera poojan karane vala ho aur mujhako namaskar kar. is prakar apane ko mujhamean niyukt karake mere parayan hokar too mujhako hi prapt hoga (bhagavanh ki pratyaksh seva ka yah param sadhan ‘guhyatam’ hai. isi ko age chalakar 18 vean adhyay ke ant mean aur bhi vishad tatha spasht roop se ‘sarvaguhyatam’ nam se kaha gaya hai).
|
tika tippani aur sandarbh
- ↑ bhagavanh hi param gati haian, ve hi ekamatr bharta aur svami haian, ve param ashray aur param atmiy sanrakshak haian-aisa manakar unhian par nirbhar ho jana, unake pratyek vidhan mean sada hi santusht rahana, unhian ki ajna ka anusaran karana, unake nam-roop-gun-prabhav-lila adi ke shravan, kirtan, smaran adi mean apane man, buddhi aur indriyoan ko nity nimagn rakhana aur unhian ki priti ke liye pratyek kary karana-isi ka nam ‘bhagavanh ka bhakt banana’hai.
sanbandhit lekh
kramaank | prakaran | prishth sankhya |
varnamala kramanusar lekh khoj