|
gita-prabandh -shri aravind bhag-2
khand-2 : param rahasy
21.param rahasy ki or
atma ki param svadhinata hi hamari siddh avastha hai jisaki or gita hamean is prakar le jati haiah vah arohan ke ek sthir, nishchit par atyant vistirn marg ka, ek mahanh dharm ka pratipadan kar deti hai, aur phir vah hamean jo kuchh pratipadit kar chuki hai us sabase bahar nikalakar, usake pare, sab dharmoan ke pare ek anantatah unmukt vyom mean le jati hai aur ek poorn adhyatmik svadhinata par pratishthit param siddhi ki asha hamare samane prakat kar deti hai, usake rahasy mean hamara pravesh kara deti hai, aur vah rahasy hi, usake param vachan ka sar hai, vahi goodh tattv aur aantaratam jnan hai. aur sarvapratham gita apane sandesh ka svaroop punah pratipadan karati hai. pandrah shlokoan ki parimit paridhi mean vah sanpoorn roop-rekha aur saramarm sankshep mean varnit kar deti hai, in panktiyoan ki bhavabhivyanjana aur arth sankshipt evan ghanibhoot hai, inamean vishay ka abhyantarik sar kuchh bhi nahian chhoota hai aur vah atyant vishad yatharthata tatha prajanlata se yukt uktiyoan mean vyakt kiya gaya hai. aur atev inaki alochana b de dhyan se karani hogi, jo kuchh pahale kaha ja chuka hai us sabake prakash mean gaharaee ke sath inaka adhyayan karana hoga, kyoanki yahaan spasht uddeshy yah hai ki jise svayan gita apani shiksha ka keandriy bhav samajhati hai usaka nishkarsh de diya jaye.
is varnan ka aranbh hota hai granth ki vicharadhara ke mool aranbh-biduan se, manav-karm ki paheli se sansar ke sare karm karana jari rakhate hue bhi uchchatam satta aur atma mean nivas karane ki apat-alanghy kathinaee se. sabase sugam marg yah hai ki is samasya ko asamadhey kahakar tatha jivan aur karm ko bhram manakar ya unhean satta ki ek nimnatar gati kahakar chho d diya jaye, jyoan hi ham is jagajjal se nikalakar adhyatm-satta ke saty mean uth sakean tyoan hi hamean is bhram ya nimnagati ka tyag kar dena chahiye. yah sannyasi ka samadhan hai, par ise samadhan kaha ja sakata hai ya nahian yah sandehaspad hai; kuchh bhi ho yah ukt samasya se chhutakara pane ka ek nishchit aur prabhavashali marg hai, uchchatam aur nididhyasanapoorn koti ki prachin bharatiy vicharadhara ne jyoan hi apane pratham vishal aur mukt samanvay ko chho dakar tivr roop se kisi any disha mean mudana shuroo kiya tyoan hi vah isi marg ki or nit adhikadhik prabalata ke sath badhati chali gayi.
|
|
