|
gita-prabandh -shri aravind bhag-2
khand-2 : param rahasy
20.svabhav aur svadharm
jab tak ki ham isake dvara unake sath tatha is srishti mean ve jo kuchh haian us sabake sath apana adhyatmik ekatv upalabdh nahian kar lete. jivan mean manushyoan ke chaturvarn ka bahy vichar divy kriya ke is saty ke bahmatar vyapar se hi sanbandh rakhata hai; vah trigun ke vyapar mean isaki kriya ke ek pahaloo tak hi simit hai. yah sach hai ki is janm mean log adhikatar char shreniyoan mean se kisi ek ke aantargat hote haian-jnani manushy, balashali manushy, utpadanashil manushy aur sthool shram evan seva mean pararayan manushy. ye adharabhoot vibhag nahian balki hamare manushyatv mean atm-vikas ki avasthaean hai. manushy ajnan aur j data ka paryapt bojh lekar apani jivan yatra shuroo karata hai; usaki pahali avastha us sthool shram ka hota jo sharir ki avashyakataoan pran ki prerana evan vishvaprakriti ke alanghy niyam ke dvara aur, avashyakata ki ek vishesh sima ke pare, samaj ke dvara us par thopi gayi kisi-n-kisi prakar ki pratyaksh ya paroksh badhyata ke dvara usake pashavik tamash par lada jata hai aur jo log abhi us tamash ke dvara shasit hote haian ve shudr hote haian samaj ke das hotean haian jo use apana shram dan karate tatha usake jivan ki bahuvidh kri da mean ve adhik unnat manushyoan ki tulana mean aur kuchh bhi yogadan nahian kar sakate athava yadi kar bhi sakate haian to bahut hi kam. kary-pravritti ke dvara manushy apane aandar rajogun ka vikas karata hai aur hamean ek doosari shreni ke manushy ki prapti hoti hai jo upayogi srijan, utpadan sangrah, uparjan, svatv aur upabhog ki satat prerana se prachalit hota hai, vah madhyavargiy arthik aur pran-pradhan manushy, vaishy hota hai.
hamari ek hi sarvabhaum prakriti ke rajasik ya pravrittimay gun ka aur ooancha utkarsh hone par ek kriyashil manav hamare dekhane mean ata hai jisamean ek prabalatar sankalpashakti evan adhik sahasapoorn mahattvakaankshaean hoti hai, karm karane, yuddh karane, apane sankalp ko kriyanvit karane aur, apane sabalatam roop mean, netritv karane, adesh dene, shasan karane, jan-samudayoan ko apane path par chalane ki ek sahaj pravritti hoti hai, vah yoddha, neta, shasak, saradar, raja hota hai, vah kshatriy hota hai. aur jahaan sattvik man prabal hota hai vahaan hamean brahman ki prapti hoti hai jisaki pravritti jnan ki or hoti hai, vah jivan mean vichar, chiantan, saty ki khoj aur ek jnanapoorn ya adhik-se-adhik ek adhyatmik shasan lata hai aur usake dvara vah apani jivan-sanbandhi dharana aur paddhati ko alokit karata hai.
|
|
