|
gita-prabandh -shri aravind bhag-2
khand-2 : param rahasy
18.trigun, shraddha aur karm
tab phir tap ki aur avashyakata nahian rahegi, koee tapasya nahian rahegi, kyoanki sab kuchh sahaj-svabhavik roop se divy hoga, sab kuchh vah tapas hi hoga. vahaan niche ki shakti ki koee prithak pracheshta nahian rahegi, kyoanki prakriti ki shakti purushottam ke paratpar sankalp mean apana sachcha udgam aur adhar prapt kar chuki hogi. tab, is uchch strot se pravartit hone ke karan, is shakti ki kriyaean nimnatar staroan par bhi ek sahajat poorn sankalp se tatha ek aantarnihit poorn marganirdeshak ke dvara svabhavik evan svatahsphoort roop mean niahsrit hoangi. vartaman dharmoan mean se kisi ka bhi bandhan nahian rahega; kyoanki vahaan hoga ek mukt karm jo rajasik aur tamasik prakriti se bahut oopar to hoga hi par sath hi karm ke sattvik niyam ki ati-satark aur sankirn simaoan se bhi bahut pare hoga. tapasya ki bhaanti samast dan bhi ajn tamasik, bahyadambarapoorn rajasik ya niahsvarth aur jnanadipt sattvik prakriti ka hota hai. tamasik dan samuchit desh, kal aur patr ka vichar kiye bina ajnanapoorvak diya jata hai; vah ek moorkhatapoorn, vivekahin aur vastutah svarthapoorn-kriya hoti hai vah ek anudar tatha nikrisht tyag hota hai, ek aisa dan hota hai jo bina sahanubhooti ya sachchi udarata ke aur lene vale ki bhavanaoan ka dhyan rakhe bina hi diya jata hai tatha jo usake dvara svikar karate samay bhi avajna ki drishti se dekha jata hai.
rajasik koti ka dan vah hai jo anutap ke sath, anichchhapoorvak ya apane oopar jor-jabardasti karake ya kisi vyaktigat evan ahanbhavamay uddeshy se athava kisi bhi disha se kisi prakar ke pratyupakar ki asha se ya lene vale ki or se apane-apako ek tuly ya mahattar pratiphal milane ki asha se kiya jata hai. sattvik prakar ka dan vah hai jo yathayath buddhi sadichchha tatha sahanubhooti ke sath, samuchit desh-kal ko dekhakar ek aise satpatr ko arpit kiya jata hai jo dan ke yogy hota hai ya jisake liye dan vastutah upakari ho sakata hai. aisa dan-kary dan tatha upakar ke liye hi kiya jata hai, upakrit ke dvara pahale kiye gaye ya age kiye jane vale apane upakar ko drishti mean rakhakar nahian, kisi vyaktigat uddeshy se nahian. sattvik prakar ke dan ki parakashtha karm ke aandar doosaroan ke prati, jagat tatha parameshvar ke prati ek vyapak atmadan evan atm-samarpan ke tattv ko kramashah adhikadhik le ayegi; gita mean jis karmayajn ka vidhan kiya gaya hai vah is prakar ka uchch utsarg hi hai.
|
|
