|
gita-prabandh -shri aravind bhag-2
khand-2 : param rahasy
14.traigunatity
usaki atma to oordhv mean avichal hai usaki adhyatmasatta asthir vastuoan ki chanchal parivartanashilata mean bhag nahian leti. yah brahyi sthiti ki nirvyaktikata hai; kyoanki vah uchchatar tattv, mahattar vishal uchchatar chaitany arthat vah kootasth hi akshar brahy hai. parantu phir bhi yahaan spasht roop se ek dvait sthiti hai, satta do viparit bhagoan mean akshar aur kshar mean khandit hai, akshar purush ya brahy mean mukt huee atma amukt kshar prakriti ke vyapar ka nirikshan karati hai. kya koee isase mahan sthiti nahian hai, poornatar poornata ka koee tattv nahian hai, athava kya yah vibhajan hi deh mean prapy uchchatam chetana hai, aur kya is kshar prakriti ka tatha prakriti ke aandar deh-dharan se utpann gunoan ka tyag aur brahm ki nirvyaktikata tatha nity shaanti mean lay hi yog ka lakshy hai? kya vyashti purush ka yah lakshy hi param moksh hai? aisa pratit hota hai ki koee aur vastu bhi hai; kyoanki gita upasanhar ke roop mean kahati hai-sada isi ek aantim svar ko punah punah guanjati hai ki ‘‘jo manushy avichal prem evan bhakti ke sath ‘‘mera’’ bhajan karata hai aur ‘‘mujhe’’ prapt karane ke liye yatn karata hai vah bhi tin gunoan ko par kar jata hai, vah bhi brahmabhav prapt karane ke liye taiyar hai.” ‘‘mera’’ aur ‘‘mujhe’’ shabdoan dvara soochit yah ‘‘maian’’ purushottam hai jo shaant brahm, amritattv, akshay adhyatm-jivan, shashvat dharm tatha param anand ka adhar hai.
is prakar, ek aisi sthiti bhi hai jo akshar ki shaanti se adhik mahan hai kyoanki vah gun ke paraspar-virodh ka avichal roop mean nirikshan karati haian. brahy ki aksharata ke oopar ek uchchatam adhyatmik aunabhooti aur ‘pratishtha’ (sabaka ashrayabhoot tattv) hai, karmavishayak rajasik prerana, pravritti se adhik mahan ek shashvat dharm hai, rajasik duahkh ke sparsh se pare tatha sattvik sukh se atit ek charam-param anand hai, aur ye chijean purushottam ki satta aur shakti mean nivas karane se hi prapt evan adhikrit ki ja sakati haian. par, kyoanki isaki prapti bhakti ke dvara hoti hai, isaki sthiti hogi vah divy anand jisamean niratishay prem[1] ka milan tatha upalabdhimay ekatv mean uth jana hi adhyatmik poornata ki parakashh tatha amritattvadayak nity dharm ki paripoorti hogi.
|
|