shashth adhyay
prashn- yahaan ‘shamah’ is pad ka arth svaroopatah kriyaoan ka tyag n manakar sarv-sankalpoan ka abhav kyoan mana gaya?
uttar- doosare aur chauthe shlok mean sankalpoan ke tyag ka prakaran hai. ‘shamah’ pad ka arth bhi man ko vash mean karake shant karana hota hai. atharahavean adhyay ke bayalisavean shlok mean bhi ‘sham’ shabd ka isi arth mean prayog hua hai. aur man vash mean hokar shant ho jane par hi sankalpoan ka sarvatha abhav hota hai. isake atirikt, karmoan ka svaroopatah sarvatha tyag ho bhi nahian sakata. atev yahaan ‘shamah’ ka arth sarvasankalpoan ka abhav manana hi thik hai.
prashn- yogaroodh purush ke ‘sham’ ko karmoan ka karan mana jay to kya hani hai?
uttar- ‘sham’ shabd sarvasankalpoan ke abhavaroop shanti ka vachak hai. isaliye vah karm ka karan nahian ban sakata. yogaroodh purush dvara jo kuchh cheshta hoti hai, unamean to unake aur logoan ke prarabdh hi hetu haian. atah ‘sham’ ko karm ka hetu manana yuktisangat nahian hai. use to paramatma ki prapti ka hetu manana hi thik hai.
|