gita rahasy athava karmayog shastr -bal gangadhar tilak
|
tisara prakaran
jis marg ko ham bura samajhate haian vah bura kyoan hai? yah achchhapan ya burapan kisake dvara ya kis adhar par thaharaya ja sakata hai; athava is achchhepan ya burepan ka rahasy kya hai? ityadi batean jis shastr ke adhar se nishchit ki jati haian usako “karmayogashastr’’ ya gita ke sankshipt roopanusar,’’ yogashastr’’ kahate haian. ‘achchha’ aur ‘bura’ donoan sadharan shabd haian; inhian ke saman arth mean kabhi kabhi shubh-ashubh, hitakar-ahitakar, shreyaskar-ashreyaskar, pap-punhy, dharm-adharm ityadi shabdoan ka upayog hua karata hai. kary-akary, kartavy-akartavy, nyay-anyay ityadi shabdoan ka bhi arth vaisa hi hota hai. tathapi in shabdoan ka upayog karane valoan ka srishti rachana vishayak mat bhinn bhinn hone ke karan “karmayog’’ shastr ke niroopan ke panth bhi bhinn bhinn ho gaye haian. kisi bhi shastr ko lijiye; usake vishayoan ki charcha sadharanatah tin prakar se ki jati hai. (1) is j d srishti ke padarth thik vaise hi haian jaise ki ve hamari indriyoan ko gochar hote hai; isake pare unamean aur kuchh nahian hai; is drishti se unake vishay mean vichar karane ki ek paddhati hai jise adhibhautik vivechan kahate haian. udahanarth, soory ko devata n manakar keval paanch bhautik j d padarthoan ka ek gola manean; aur ushnata, prakash vajan, doori aur akarshan ityadi usake keval gun dharmoan hi ki pariksha karean; to use soory ka adhibhautik vivechan kaheange. doosara udaharan pe d ka lijiye. isaka vichar n karake, ki pe d ke patte nikalana, phoolana, phalana adi kriyae kisake aantargat shakti ke dvara hoti haian.jab keval bahari drishti se vichar kiya jata hai ki jamin mean bij bone se aankur phootate haian, tab use pe d ka adhibhautik vivechan kahate haian. rasayan shastr, padarth vijnanashastr, vidyutashastr ityadi adhunik shastroan ka vivechan isi dhang ka hota hai. aur to kya, adhibhautik pandit yah bhi mana karate haian ki ukt riti se kisi vastu ke drishy gunoan ka vichar kar lene par unaka kam poora ho jata hai. srishti ke padarthoan ka isase adhik vichar kar lene par unaka kam poora ho jata hai. srishti ke padarthoan ka isase adhik vichar karana nishphal hai. (2) jab ukt drishti ko chho d kar is bat ka vichar kiya jata hai ki j d srishti ke padarthoan ke mool mean kya hai? kya in padarthoan ka vyavahar keval unake gun-dharmoan hi se hota hai ya unake liye kisi tattv ka adhar bhi hai; tab keval adhibhautik vivechan se hi apana kam nahian chalata, hamako kuchh age pair badhana p data hai. udaharanarth, jab ham yah manate haian ki yah paanch bhautik (soory) namak ek dev ka adhishthan haian aur isi ke dvara is achetan gole soory ke sab vyapar ya vyavahar hote rahate hai; tab usako us vishay ka adhibhautik vivechan kahate haian. is mat ke anusar yah mana jata hai ki pe d mean, pani mean, hava mean, arthat sab padarthoan mean, anek dev haian jo un j d tath achetan padarthoan se bhinn to hai, kiantu unake vyavaharoan ko vahi chalate haian. |
|
tika tippani aur sandarbh
sanbandhit lekh
| prakaran | nam | prishth sankhya |
varnamala kramanusar lekh khoj