|
vanshi mean svar bharane vale arjun evan usake sahayakoan ki bhi yahi dasha hoti. kab vanshivad ki kriya chhut gayi, yah bhi ve nahian jan pate. aanguliyaan chhidroan se lagi rahatian, hoth bhi phooank bharane ki mudra mean hi rahate, par phooank bharane ki kriyatmak vritti nrity parayan nand nandan mean sahasa vilin ho jati. shrriangavadi balak bhi apani sudh-budh kho kar jyoan ki tyoan mudra mean vrajendr nandan ki or dekhane lag jate. hatheli se tal dene vale shishu bhi vibhor ho jate, unake tal ka bhi viram ho jata. shridam evan shishu sabhasadoan ki vani bhi ruddh ho jati. is prakar ek adbhut niravata-si chha jati aur isake bich apane hi noopur, kankan evan katikiankani ke ‘run-jhun’ tal par nilasundar ka nrity chalata rahata. us samay antarikshachari dev ganoan ko sundar avasar prapt ho jata. ve gop shishuoan ka roop dharan karate, niche utar ate tatha gop roopadhari parabrahm purushottam shrikrishnachandr ki stuti karane lagate- is bhaanti jaise manch par virajit ek narashreshth ka stavan any nat kar rahe hoan! itane mean shishu-sabhasadoan ki, vansh-shrriang vadakoan ki, taladhariyoan ki, gayak varg ki bhav samadhi tootati aur phir sadhuvad ke tumul rab se is nrityotsav ki samapti hoti!
|
|