vyakhya- tattvajnan hone par phir moh nahian hota; kyoanki vastav mean moh ki satta hai hi nahian- ‘nasato vidyate bhavah’[1]. isaliye tattvajnan ek hi bar hota hai aur sada ke liye hota hai. jaise, prithvi par din ke bad rat hoti hai, rat ke bad din hota hai; parantu soory mean rat ati hi nahian. vahaan nity-nirantar din se bhi vilakshan prakash rahata hai. aise hi tattvajnanaroop soory mean moharoop andhakar ka pravesh kabhi hua hi nahian, hai hi nahian, hoga hi nahian, ho sakata hi nahian. moh ki satta jiv ki drishti mean hai.
paramatma ke antargat jiv hai- ‘mamaivaansho jivalok ke’[2]aur jiv ke antargat jagath hai- ‘yayedan dharyate jagath’[3]. isaliye sadhak pahale jagat ko apane mean dekhata hai- ‘drakshyasyatmani’, phir apane ko paramatma mean dekhata hai- ‘atho mayi’. jagat ko apane mean dekhane se ahamh ki sookshm satta rahati hai. yah sookshm aham janm-maran dene vala to nahian hota, par darshanik matabhed karane vala hota hai. apane ko paramatm mean dekhane se aham ka sarvatha nash ho jata hai aur ek chinmay sattamatr ke sivay kuchh nahian rahata.