vishay soochi
bhakti sudha -karapatri maharaj
vedant-rasasar
at: shukr ka chandrama se udgam n hone se usake sath shukr ka koee vishesh sambandh hona siddh nahian hota, kintu paramatma se udgam aur usase vishesh sambandh rakhane vale jiv ka aanshashibhav antarang hi hona chahiye. atah jaise ghatopadhi se ghatakash mahakash ka aansh kaha jata hai, vayu upadhi se tarang mahasamudr ka aansh hai, usi tarah avidya ya antahkaran upadhi se jiv paramatma ka aansh kaha jata hai. upadhiyoan ke vikshobh mean upahit ka anupahit se parthaky aur unaki upashanti mean upahit ka anupahit se aiky hota hai. jis samay akash se vayu-jaladi kramen ghat utpann hota hai, us samay ghatakash ki utpatti evan mahakash se usake parthaky ki pratiti hoti hai. ghat ka vilayan hone par ghatakash ka mahakash ke sath sammilan pratit hota hai. vayu ke spandanakal mean mahasamudr se tarang ki utpatti evan usaki samudr se bhinnata pratit hoti hai aur vayu ke niahspandanakal mean tarang ka vilayan pratit hota hai. niravaran tatha dravibhoot jal ki abhivyakti mean bimb se pratibimb ki utpati evan bimb se bhinnata pratit hoti hai aur jal ke saravan hone par ya shaityayog se ghanibhoot hone par pratibimb ki bimbabhavapatti hoti hai. in sabhi udaharanoan se keval yahi bat dikhalayi jati hai ki jaise svabhav se ghatakash, tarang tatha pratibimb mahakash, mahasamudr evan bimb se prithak nahian haian, unase bhinnata evan vilakshanata upadhi se pratit hoti hai, vaise hi jiv svabhavatah bahm se bhinn nahian hai. usamean bhinnata evan paramatma se vilakshanata keval upadhiyoan se pratit hoti hai. jaise mahapralay mean samast prapanch samashti sabij brahm mean vilin hota hai, vaise hi sushupti mean bhi samast prapanch ka vilayan shruti ne kaha hai. atah sushupti mean upadhiyoan ke vilin hone par jiv paramatma se milata hai. jab tak jal niravaran evan drut rahata hai, tab tak usaki chanchalata evan malinata se pratibimb bhi chanchal evan malin pratit hota hai. aise hi antahkaran jab tak niravaranasvaroopen vyakt rahata hai, tab tak usamean pratibimbit chidanand tattv bhi usaki vyakulata evan malinata se vyakul evan malin sa rahata hai. yahi bat “dhyayativ lelayativ” is shruti mean kahi gayi hai. parantu jis samay avidyaparinam antahkaran avidya mean vilin ho jay ya nidraroop gadh avaran se avrit ho jay, us samay jaise jal ke savaran evan ghanibhav mean pratibimb bimb hi ho jata hai. bimb se prithak rahata hi nahian, atah usase kisi prakar ke anarth ka sambandh nahian hota; thik vaise hi sushupti mean jiv paramatma mean mil jata hai, prithak usaka svaroop hi nahian rahata. |
tika tippani aur sandarbh
sanbandhit lekh
kram sankhya | vishay | prishth sankhya |
varnamala kramanusar lekh khoj