chaturdash adhyay
sambandh- is prakar any do gunoan ko dabakar pratyek gun ke badhane ki bat kahi gayi. ab pratyek gun ki vriddhi ke lakshan janane ki ichchha hone par sattvagun ki vriddhi ke lakshan pahale batalaye jate haian-
sarvadvareshu deheasminprakash upajayate .
jnanan yada tada vidyadvivriddhan sattvamityut .. 11 ..
jis samay is deh mean tatha ant:karan aur indriyoan mean chetanata aur vivekashakti utpann hoti hai, us samay aisa janana chahiye ki sattvagun badha hai.. 11 ..
prashn- ‘yada’ aur ‘tada’ in kalavachak padoan ka tatha ‘vidyath’ kriya ke prayog ka kya bhav hai?
uttar- inaka tatha ‘vidyath’ kriya ka prayog karake bhagavanh ne yah bhav dikhalaya hai ki jis samay is shlok mean batalaye hue lakshanoan ka pradurbhav aur unaki vriddhi ho, us samay sattvagun ki vriddhi samajhani chahiye aur us samay manushy ko savadhan hokar apana man bhajan-dhyan mean lagane ki cheshta karani chahiye; tabhi sattvagun ki pravritti adhik samay thahar sakati hai; anyatha usaki avahelana kar dene se shighr hi tamogun ya rajogun use dabakar apana kary arambh kar sakate haian.
prashn- ‘dehe’ ke sath ‘asminh’ pad ka prayog karane ka kya abhipray hai?
uttar- ‘asminh’ pad ka prayog karake bhagavanh ne manushy-sharir ki visheshata ka pratipadan kiya hai. abhipray yah hai ki is shlok mean batalayi huee sattvagun ki vriddhi ka avasar manushy sharir mean hi mil sakata hai aur isi sharir mean sattvagun ki sahayata pakar manushy mukti-labh kar sakata hai, doosari yoniyoan mean aisa adhikar nahian hai.
prashn- sharir, indriy aur antahkaran mean prakash aur jnan ka utpann hona kya hai?
uttar- sharir mean chetanata, halakapan tatha indriy aur antahkaran mean nirmalata aur chetana ki adhikata ho jana hi prakash ka utpann hona hai. evan saty-asaty tatha kartavy-akartavy ka nirnay karane vali vivekashakti ka jagrath ho jana ‘jnan’ ka utpann hona hai. jis samay prakash aur jnan- in donoan ka pradurbhav hota hai, us samay apane-ap hi sansar mean vairagy hokar man mean uparati aur sukh-shanti ki badh-si a jati hai; tatha rag-dvesh, duahkh-shok, chinta, bhay, chanchalata, nidra, alasy aur pramad adi ka abhav-sa ho jata hai.
|