shrimadbhagavadgita tattvavivechani hindi-tika -jayadayal goyandaka
dvitiy adhyay
uttar- ‘hi’ hetu ke arth mean hai. poorv shlok mean jis manyata ke anusar bhagavanh ne shok karana anuchit batalaya hai, usi manyata ke anusar yuktipoorvak us bat ko is shlok mean siddh karate haian. prashn- jisaka janm hua hai, usaki mrityu nishchit hai- yah bat to thik hai; kyoanki janma hua sada nahian rahata, is bat ko sabhi janate haian. parantu yah bat kaise kahi ki jo mar gaya hai usaka janm nishchit hai; kyoanki jo mukt ho jata hai, usaka punarjanm nahian hota- yah prasiddh hai.[1] uttar- yahaan bhagavanh vastavik siddhant ki bat nahian kah rahe haian, bhagavanh ka yah kathan to un ajnaniyoan ki drishti se hai, jo atma ka janmana-marana nity manate haian. unake matanusar jo maranadharma hai, usaka janm hona nishchit hi hai; kyoanki us manyata mean kisi ki mukti nahian ho sakati. jis vastavik siddhant mean mukti mani gayi hai, usamean atma ko janmane-marane vala bhi nahian mana gaya hai, janmana-marana sab ajnanajanit hi hai. prashn- ‘tasmath’ pad ka kya abhipray hai? tatha ‘apariharye arthe’ ka kya bhav hai aur usake liye shok karana anuchit kyoan hai? uttar- ‘tasmath’ pad hetu vachak hai. isaka prayog karake ‘apariharye arthe’ se yah dikhalaya hai ki uparyukt manyata ke anusar atma ka janm aur mrityu nishchit hone ke karan vah bat anivary hai, usamean upat-pher hona asambhav hai; aisi sthiti mean nirupay bat ke liye shok karana nahian banata. atev is drishti se bhi tumhara shok karana sarvatha anuchit hai. |
tika tippani aur sandarbh
- ↑ 4.9; 5.17; 8.15,16,21 ityadi
sanbandhit lekh
kram sankhya | vishay | prishth sankhya |
varnamala kramanusar lekh khoj