trayodash adhyay
asaktiranabhishvang: putradaragrihadishu .
nityan ch samachittattvamishtanishtopapattishu .. 9 ..
putr, stri, ghar aur dhan adi mean asakti ka abhav mamata ka n hona tatha priy aur apriy ki prapti mean sada hi chitt ka sam rahana.. 9 ..
prashn- athavean shlok mean jo indriyoan ke arthoan mean vairagy kaha hai- usi ke antargat putr, stri, ghar aur dhan adi mean asakti ka abhav a hi jata hai; yahaan usi bat ko phir se kahane ka kya abhipray hai?
uttar- stri, putr, grih, sharir aur dhan adi padarthoan ke sath manushy ka vishesh sambandh hone ke karan prayah inamean usaki vishesh asakti hoti hai. indriyoan ke shabdadi sadharan vishayoan mean vairagy hone par bhi inamean guptabhav se asakti rah jaya karati hai, isiliye inamean asakti ka sarvatha abhav ho jane ki bat vishesh roop se prithakh kahi gayi hai.
prashn- ‘anabhishvang’ ka arth ahankar ka abhav n lekar mamata ka abhav kyoan liya gaya?
uttar- ahankar ke abhav ki bat poorv shlok ke ‘anahankarah’ pad mean spashtatah a chuki hai, isiliye yahaan ‘anabhishvang’ ka arth ‘mamata ka abhav’ kiya gaya hai. mamatv ke karan hi manushy ka stri, putradi se ghanishth sambandh ho jata hai. usase unake sukh-duahkh aur labh-hani se vah svayan sukhi-duahkhi hota rahata hai. mamata ke abhav se hi isaka abhav ho sakata hai, isaliye yahaan isaka arth mamata ka abhav hi thik maloom hota hai.
prashn- isht aur anisht ki upapatti kya hai? aur usamean samachittata kise kahate haian?
uttar- anukool vyakti, kriya, ghatana aur padarthoan ka sanyog aur pratikool ka viyog sabako ‘isht’ hai. isi prakar anukool ka viyog aur pratikool ka sanyog ‘anisht’ hai. in ‘isht’ aur ‘anisht’ ke sath sambandh hone par harshashokadi ka n hona arthath anukool ke sanyog aur pratikool ke viyog se chitt mean harsh adi n honaah tatha pratikool ke sanyog aur anukool ke viyog se kisi prakar ke shok, bhay aur krodh adi ka n hona- sada hi nirvikar, ekaras, sam rahana- isako ‘isht aur anisht ki upapatti mean samachittata’ kahate haian.
|