|
dvitiy adhyay
achchhedyoayamadahyoayamakledyoashoshy ev ch .
nity: sarvagat sthanurachaloayan sanatan: .. 24 ..
kyoanki yah atma achchhedy hai, yah atma adahy, alkedy aur ni:sandeh ashoshy hai tatha yah atma nity, sarvavyapi, achal, sthir rahane vala aur sanatan hai .. 24 ..
prashn- poorv shlok mean yah bat kah di gayi thi ki shastradi ke dvara atma nasht nahian kiya ja sakata; phir is shlok mean use dubara achchhedy, adahy, akledy aur ashoshy kahane ka kya abhipray hai?
uttar- isase bhagavanh n atmatattv ka shastradi dvara nash n ho sakane mean karan ka pratipadan kiya hai. abhipray yah hai ki atma katane vali, jalane vali, galane vali aur sookhane vali vastu nahian hai. vah akhand, avyakt, ekaras aur nirvikar hai; isaliye usaka nash karane mean shastradi koee bhi samarth nahian haian.
prashn- achchhedyadi shabdoan se atma ka nityatv pratipadan karake phir use nity, sarvagat aur sanatan kahane ka kya abhipray hai?
uttar- achchhedyadi shabdoan se jaisa avinashitv siddh hota hai vah to akash mean bhi siddh ho sakata hai; kyoanki akash any samast bhootoan ka karan aur un sabamean vyapt hone se n to prithvi-tattv se bane hue shastroan dvara kata ja sakata hai, n agni dvara jalaya ja sakata hai, n jal se galaya ja sakata hai aur n vayu se sukhaya hi ja sakata hai. atma ka avinashitv usase atyant vilakshan hai- isi bat ko siddh karane ke liye use nity, sarvagat aur sanatan kaha gaya hai. abhipray yah hai ki akash nity nahian hai; kyoanki mahapralay mean usaka nash ho jata hai aur atma ka kabhi nash nahian hota, isaliye vah nity hai. akash sarvavyapi nahian hai, keval apane karyamatr mean vyapt hai aur atma sarvavyapi hai. akash sanatan, sada se rahane vala, anadi nahian hai aur atma sanatan-anadi hai. is prakar uparyukt shabdoan dvara akash se atma ki atyant vilakshanata dikhalayi gayi hai.
prashn- atma ko ‘sthanu’ aur ‘achal’ kahane ka kya bhav hai?
uttar- isase atma mean chalana aur hilana donoan kriyaoan ka abhav dikhalaya hai. ek hi sthan mean sthit rahate hue kaanpate rahana ‘hilana’ hai aur ek jagah se doosari jagah jana ‘chalana’ hai. in donoan kriyaoan ka hi atma mean abhav hai. vah n hilata hai aur n chalata hi hai; kyoanki vah sarvavyapi hai, koee bhi sthan usase khali nahian hai.
|
|