dvitiy adhyay
prashn- ‘sharirinah’ pad yahaan kisaka vachak hai aur usake sath ‘nityasy’, ‘anashinah’ aur ‘aprameyasy’ visheshan dene ka tatha shariroan ke sath usaka sambandh dikhalane ka kya abhipray hai?
uttar- poorv shlok mean jis ‘sath’ tattv se samast jad-varg ko vyapt batalaya hai, usi tattv ka vachak yahaan ‘sharirinah’ pad hai tatha in tinoan visheshanoan ka prayog us ‘sath’ tattv ke sath isaki ekata karane ke liye hi kiya hai evan ise ‘shariri’ kahakar tatha shariroan ke sath isaka sambandh dikhalakar atma aur paramatma ki ekata ka pratipadan kiya gaya hai. abhipray yah hai ki vyavaharik drishti se jo bhinn-bhinn shariroan ko dharan karane vale, unase sambandh rakhane vale bhinn-bhinn atma pratit hote haian, ve vastutah bhinn-bhinn nahian haian, sab ek hi chetan tattv hai; jaise nidra ke samay svapn ki srishti mean ek purush ke siva koee vastu nahian hoti, svapn ka samast nanatv nidrajanit hota hai, jagane ke bad purush ek hi rah jata hai, vaise hi yahaan bhi samast nanatv ajnanajanit hai, jnan ke anantar koee nanatv nahian rahata.
prashn- hetu vachak ‘tasmath’ pad ka prayog karake yuddh ke liye ajna dene ka yahaan kya abhipray hai?
uttar- hetu vachak ‘tasmath’ pad ke sahit yuddh ke liye ajna dekar bhagavanh ne yahaan yah dikhalaya hai ki jab yah bat siddh ho chuki ki sharir nashavanh haian, unaka nash anivary hai aur atma nity hai, usaka kabhi nash hota nahian, tab yuddh mean kianchinmatr bhi shok ka koee karan nahian hai. atev ab tumako yuddh mean kisi tarah ki anakani nahian karani chahiye.
|