dvitiy adhyay
sambandh- is prakar atma ki nityata ka pratipadan karake ab usaki nirvikarata ka pratipadan karate hue atma ke liye shok karana anuchit siddh karate haian -
dehinoasminyatha dehe kaumaran yauvanan jara .
tatha dehantarapraptirdhirastatr n muhyati .. 13 ..
jaise jivatma ki is deh mean balakapan, javani aur vriddhavastha hoti hai, vaise hi any sharir ki prapti hoti hai; us vishay mean dhir purush mohit nahian hota .. 13 ..
prashn- is shlok mean bhagavanh ke kathan ka kya abhipray hai?
uttar- isamean atma ko vikari manakar ek sharir se doosare sharir mean jate-ate samay use kasht hone ki ashanka se jo ajnanijan shok kiya karate haian, usako bhagavanh ne anuchit batalaya hai. ve kahate haian ki jis prakar balakapan, javani aur jara avasthaean vastav mean atma ki nahian hotian, sthool sharir ki hoti haian aur atma mean unaka arop kiya jata hai, usi prakar ek sharir se doosare sharir mean jana-ana bhi vastav mean atma ka nahian hota, sookshm sharir ka hi hota hai aur usaka arop atma mean kiya jata hai. atev is tattv ko n janane vale ajnanijan hi dehantar ki prapti mean shok karate haian, dhir purush nahian karate; kyoanki unaki drishti mean atma ka sharir se koee sambandh nahian hai. isaliye tumhara shok karana uchit nahian hai.
|