ashtam adhyay
prashn- ‘tadbhavabhavitah’ pad ka anvay doosari prakar karake yadi yah arth man liya jay ki manushy antakal mean jis-jis bhi bhav ka smaran karata hua sharir ko chho dakar jata hai, nirantar us bhav se bhavit hote-hote us-usako hi prapt ho jata hai, to kya hani hai?
uttar- isamean hani ki to koee bat hi nahian hai. isase to yah bat bhi spasht ho jati hai ki manushy marane ke sath turant hi antakal mean smaran kiye hue bhav ko poornataya prapt nahian hota. marane ke bad sookshmaroop se antahkaran mean aankit hue us bhav se bhavit hota-hota nishchit samay par hi us bhav ko poornataya prapt hota hai. kisi manushy ka chhayachitr (photo) lete samay jis kshan photo (chitr) khiancha jata hai us kshan mean vah manushy jis prakar se sthit hota hai, usaka vaisa hi chitr utar jata hai; usi prakar antakal mean manushy jaisa chintan karata hai vaise hi roop ka photo usake antahkaran mean aankit ho jata hai. usake bad photo ki bhaanti any sahakari padarthoan ki sahayata pakar us bhav se bhavit hota hua vah samay par sthool roop ko prapt ho jata hai.
yahaan antahkaran hi kaimare ka plet hai, usamean hone vala smaran hi pratibimb hai aur any sookshm sharir ki prapti hi chitr khianchana hai; atev jaise chitr lene vala sabako savadhan karata hai aur usaki bat n manakar idhar-udhar hilane-dulane se chitr big d jata hai, vaise hi sampoorn praniyoan ka chitr utarane vale bhagavanh manushy ko savadhan karate haian ki ‘tumhara photo utarane ka samay atyant samip hai pata nahian vah antim kshan kab a jay; isaliye tum savadhan ho jao, nahian to chitr big d jayaga.’ yahaan nirantar paramatma ke svaroop ka chintan karana hi savadhan hona hai aur paramatma ko chho dakar any kisi ka chintan karana hi apane chitr ko biga dana hai.
|