shashth adhyay
sambandh- paramatma ko prapt purush ki sthiti ka nam ‘yog’ hai, yah kahakar use prapt karana nishchit kartavy batalaya gaya; ab do shlokoan mean usi sthiti ki prapti ke liye abhedaroop se paramatma ke dhyanayog ka sadhan karane ki riti batalate haian-
sankalpaprabhavankamaanstyaktva sarvanasheshat: .
manasaivendriyagraman viniyamy samantat: .. 24 ..
sankalp se utpann hone vali sampoorn kamanaoan ko ni:shesharoop se tyagakar aur man ke dvara indriyoan ke samuday ko sabhi or se bhalibhaanti rokakar-..24..
prashn- yahaan kamanaoan ko sankalp se utpann batalaya gaya hai aur doosare adhyay ke basathavean shlok mean kamana ki utpatti asakti batalayi hai. is bhed ka kya karan hai?
uttar- vahaan sankalp se asakti ki aur asakti se kamana ki utpatti batalayi hai. isase vahaan bhi mool karan sankalp hi hai. atev vahaan ke aur yahaan ke kathan mean koee bhed nahian hai.
prashn- sab kamanaean kaun-si haian? aur unaka niahsheshatah tyag kya hai?
uttar- is lok aur paralok ke bhogoan ki jitani aur jaisi-tivr, madhy ya mand kamanaean haian, yahaan ‘sarvanh kamanh’ vaky un sabhi ka bodhak hai. isamean spriha, ichchha, trishna, asha aur vasana adi kamana ke sabhi bhed a jate haian aur is kamana ki utpatti sankalp se batalayi gayi hai, isaliye ‘asakti’ bhi isi ke antargat a jati hai? sampoorn kamanaoan ke niahshesharoop se tyag ka arth hai- kisi bhi bhog mean kisi prakar se bhi jara bhi vasana, asakti, spriha, ichchha, lalasa, asha ya trishna n rahane dena. baratan mean se ghi nikal lene par bhi jaise usamean ghi ki chikanahat shesh rah jati hai, athava dibiya mean se kapoor, kesar ya kastoori nikal lene par bhi jaise usamean unaki gandh rah jati hai, vaise hi kamanaoan ka tyag kar dene par bhi usaka sookshm aansh shesh rah jata hai. us shesh bache hue sookshm aansh ka bhi tyag kar dena-kamana ka niahsheshatah tyag hai.
|