shri shrichaitany-charitavali -prabhudatt brahmachari153. shri shivanand sen ki sahanashilata
shivanand ji ki itani sahanayashilata, aisi kshama aur aisi ekantanishtha ko dekhakar nityanand ji ka hriday bhar aya. unhoanne jaldi se uthakar shivanand ji ko gale se lagaya aur unhean ashirvad dete hue kahane lage-‘shivanand ! tumhian sachamuch prabhu ke param kripapatr banane yogy ho. jisamean itani adhik kshama hai vah prabhu ka avashy hi antarang bhakt ban sakata hai.’ sachamuch nityanand ji ka yah ashirvad phalibhoot hua aur prabhu ne sen mahashay ke oopar apar kripa pradarshit ki. prabhu ne apane achchhisht mahaprasad ko shivanand ji ke sampoorn parivar ke liye bhijavane ki govind ko svayan asha di. inaki aisi hi tapasya ke parinamasvaroop to kavi karnapoor-jaise param pratibhavan mahakavi aur bhakt inake yahaan putraroop mean utpann hue. nityanand ji ka aisa bartav shivanand ji sen ke bhagini-putr shri kant ko bahut hi aruchikar pratit hua. vah yuvak tha, sharir mean yuvavastha ka nootan rakt pravahit ho raha tha, is bat se usane apane mama ka ghor apaman samajha aur isaki shikayat karane ke nimitt vah sabhi bhaktoan se alag hokar sabase pahale prabhu ke samip pahuancha. bina vastr utare hi vah prabhu ko pranam karane laga. is par govind ne kaha- shri kant ! tum yah shishtachar ke viruddh bartav kyoan kar rahe ho? aangarakhe ko utarakar tab sashtaang pranam kiya jata hai. pahale vastroan ko utar lo, raste ki thakan mita lo, hath-muanh dho lo, tab prabhu ke sammukh pranam karane jana.’ kintu usane govind ki bat nahian suni. prabhu bhi samajh gaye avashy hi kuchh dal mean kala hai, isaliye unhoanne govind se kah diya- ‘shri kant ke liye kya shishtachar aur niyam, vah jo karata hai thik hi hai, ise tum mat roka. isi dasha mean ise batean karane do.’ itana kahakar prabhu usase bhaktoan ke sambandh mean bahut si batean poochhane lage. purane bhaktoan ki bat poochhakar prabhu ne navin bhaktoan ke sambandh mean poochha ki abake bal bhaktoan mean se kaun-kaun aya hai? prabhu ke pichhe jo bachche utpann hue the, ve sabhi abake apani apani mataoan ke sath prabhu ke darshanoan ki utkantha se a rahe the. shrikant ne sabhi bachchoan ka parichay dete hue shivanand ji ke putr paramanand das ka parichay diya aur usaki prakhar pratibha tatha prabhu darshanoan ki utkantha ki bhi prashansa ki. prabhu us bachche ko dekhane ke liye lalayit se pratit hone lage. in sabhi batoan mean shri kant nityanand ji ki shikayat karana bhool gaye. itane mean hi sabhi bhakt a upasthit hue. prabhu ne sada ki bhaanti sabaka svagat-satkar kiya aur unhean rahane ke liye yathayogy sthan dilakar sabhi ke prasad ki vyavastha karayi. |
tika tippani aur sandarbh
sanbandhit lekh
kram sankhya | vishay | prishth sankhya |