shrimadbhagavadgita -vishvanath chakravartti
ashtadash adhyay
sahajan karm kauntey sadoshamati n tyajeth .
sarvarambha hi doshen dhoomenagnirivavrita: ॥48॥
atev he kunti putr ! dosh yukt hone par bhi sahaj karm ko nahian tyagana chahiye, kyoanki dhooean se agni ki bhaanti sabhi karm kisi n kisi dosh se avrit haian ॥48॥
bhavanuvad- aisa vichar karana uchit nahian hai ki keval svadharm mean hi dosh hai; kyoanki paramadharm bhi koee n koee dosh avashy rahata hai. isalie shribhagavanh kahate haian ki sahaj karm karana chahie, kyoanki drisht aur adrisht karm samooh kisi-n-kisi dosh dvara avashy avrit haian, jaise ki agni ko dhuean ke dvara avrit dekha jata hai. atev jis prakar agni se dhoomaroop dosh ko chho dakar andhakar aur shit adi ke nash ke lie usaka tap hi sevan kiya jata hai, usi prakar karm ke bhi doshaansh ka paritayagakar sattvashuddhi ke lie usake gunaansh ko hi grahan kiya jana chahie..48..
sararth varshini prakashika vritti-
svabhavavihit karm ko hi sadharanatah svadharm kahate haian. is svadharm ke lie vihit karmoan ka acharan karane se jivan-yatra nirvah karane mean atyant sugamata hoti hai tatha paramarth mean bhi kramashah pravesh karane ki sambhavana hoti hai. yadi kuchh log apane svadharm mean kuchh doshoan ko lakshyakar doosare dharmoan ko grahan karate haian, to usase aur bhi adhik dosh hone ki sambhavana hoti hai. yadi koee kshatr- dharm mean hiansa adi ki vyavastha dekhakar use chho dakar brahm-dharm ko nirdosh janakar use grahan karata haian, to usamean bhi anarth hone ki sambhavana hai. kyoanki brahm- svabhav ke nirdishth karm bhi trigunatmak haian. un karmoan ke upakaran samooh prakrit dravy hone ke karan unake dvara kiye jane vale karmoan me kuchh-n-kuchh dosh avashy hi varttaman rahata hai. jaise yajn mean kisi-n-kisi roop me praniyoan ki hiansa hone ki sambhavana rahati hai. isalie yahaan agni ka drishtant diya gaya hai. agni dhuean dvara avrit rahati hai, vah dhuaan agni ka dosh hai, tathapi shit-nivaran ke lie, pak adi ke lie usi agni ko grahan kiya jata hai. isi prakar svadharmavihit karmoan ka acharan karana hi shreyaskar hai. jis prakar agni ko prajvalit kar kuchh aanshoan mean dhuean ko hatakar agni ka prayog kiya jata hai, usi prakar bhagavadarpan ke dvara karmoan ke doshoan ko dhokar atmadarshan ke lie karmoan ke jnanajanak aansh ki seva karani chahie.
‘‘he kauntey! sahaj (svabhavik) karm sadosh hone par bhi tyajy nahian haian. sabhi karmoan ke arambh matr mean dosh hai. jis prakar agni hamesha dhuean ke dvara avrit rahati hai, usi prakar karm matr hi dosh avrit karata sattv-sanshuddhi ke lie svabhavavihit karm ke doshaansh ka parityagakar usake gunaanshaka hi ashray grahan karana chahie.’’- shribhaktivinod thakur ..48..
|
