|
gita-prabandh -shri aravind
1.gita se hamari avashyakata aur maang
maloom hota hai ki shastr shabd se gita mean us vidhan se matalab hai jise manushy-jati ne asanskrit prakrit manushy ke keval ahanbhav se prerit karm ke sthan par apane oopar lagaya hai, is vidhan ka hetu ahankar ko hatana hai, aur manushy ki jo svabhavik pravriti hai ki vah apani vasanaoan ki tripti ko hi apane jivan ka manak aur uddeshy bana lena chahata hai, us pravritti ka niyaman karana hai. aise hi chaturvany bhi ek adhyatmik tathy ka hi ek sthool roop hai, jo svayan us sthool roop se svatantr hai. usaka abhipray yah hai ki karm, karta ke svabhav ke anusar samyak roop se sanpadit ho aur vah svabhav sahaj gun aur apane-apako prakat karane vali vritti ke anusar usake jivan ki dhara aur kshetr ko nirdharit kare. isaliye jab gita mean aye hue sthanik aur samayik udaharan isi ganbhir aur udar bhav se prayukt hue haian to hamara isi siddhaant ka anusaran karana aur sthanik aur samayik dikhane vali batoan mean chhipe gambhiratar samany saty ko dhooandhana samuchit hi hoga. karan, yah bat pad-pad par milegi yah gabhiratar tathy aur tattv gita ki vivechan-paddhati mean bij-roop se vahaan bhi chhipa hai jahaan vah spasht shabdoan mean vyakt nahian kiya gaya hai.
gita mean tatkalin darshanik paribhashaoan aur dharmik sanketoan ke prayukt hone se jo darshanik siddhaant ya dharmik mat a gaye haian ya kisi prakar sang ho liye haian unaka vivechan bhi ham isi bhav se kareange. gita mean jahaan saankhy aur yog ki bat ati hai vahaan ham gita ke ek purush ka pratipadan karane vale vedaant ke saanche mean dhale hue saankhy ka, prakriti aur anek purushoan ka pratipadan karane vale anishvaravadi saankhy ke sath utana hi tulanatmak vivechan kareange jitana ki hamari vyakhya ke liye avashyak hoga. isi prakar gita ke bahuvidh, susamriddh, sookshm aur saral svabhavik yog ke sath patanjali yog ke shas़htriy, sootrabaddh, aur kramabaddh marg ka bhi utana hi vivechan kareange, usase adhik nahian.
gita mean saankhy aur yog ek hi vedaant ke param tatpary ki or le janevale do marg haian, balki yah kahiye ki vaidaantik saty ki siddhi ki or jane vale do paraspar-sahakari sadhan haian, ek darshanik, bauddhik aur vaishleshanik aur doosara aantah sphurit, bhaktibhavamay, vyavaharik, naitik aur samanvayatmak hai, jo anubhooti dvara jnan tak pahuanchata hai. gita ki drishti mean in donoan shikshaoan mean koee vastavik bhed nahian hai. bahut se log jo manate haian ki gita kisi dharmik sanpraday ya paranpara-vishesh ka phal hai usake bare mean vichar karane ki bhi hamean koee avashyakata nahian hai. gita ka upadesh sabake liye hai, usaka mool bhale hi kuchh bhi raha ho. gita ki darshanik paddhati, isamean jo saty hai usaka vyavasthapan kram isake upadesh ka vah bhag nahian haian jo atyant mukh aur chirasthayi kaha jaye, kiantu isaki rachana ka adhikaansh vishay, isake udbodhak aur marmasparshi pradhan vichar jo is granth ke jatil samanjasy mean piroye gaye haian unaka mahattv chirantan hai, unaka mooly sada bana rahega.
|
|