shri dvarikadhish -sudarshan sianh 'chakr'
53. shalv-shaman
shalv ko shighr pata lag gaya ki dvarika ka mukhy bhag usake viman ke lie bhi agamy hai. vah nagar ko jitani saralata se nasht karane yogy samajhata tha, vaisi bat nahian hai. nagar kisi bhi ajey durg ki apeksha bhi adhik surakshit hai. shalv ki sena nagar ke bahyopavan tatha udyanoan ko nasht karane lagian. shalv ke saubh viman se gopuroan par, chaturashk mahadvaroan par, bhavanoan ki attalikaoan ke oopari bhag par, kri da sthaloan par shastroan ki varsha prarambh ho gayi. tvarit gati se bahut tivr akraman yuddh kala ki ek atyant vishisht paddhati hai. isamean akrant ke savadhan hone se poorv hi akramanakari ko bahut adhik kshati pahuancha dene ka avasar mil jata hai. shalv ne yahi paddhati yuddh mean apanayi. bhagavan sankarshan ne nagar ke bhitari bhag ki raksha samhal li. shalv itana moorkh nahian tha ki yah n janata ho ki yadi usaka viman nagar ke madhy bhag ki or pahuancha to haladhar ka hal anant gaganoan mean se bhi use khianchakar patak dega. atah raj-bhavan, antahpur athava nagar ke mukhy bhag par akraman asambhav tha. shalv ke akraman se nagar ke logoan mean bhay ki lahar dau di to tatkal pradyumn ki ghoshana nagar ke pratyek marg mean gooanjane lagi- 'kisi ko bhayabhit nahian hona chahie. shatru ka shighr daman kar diya jayega. keval ap sab abhi grihoan se bahar n nikalean aur bhavan ki chhatoan par n jayean. mayavi shatru gagan se akraman kar raha hai.' shalv ke viman se shilaean, vriksh vajr, kich d, dhooli hi nahian baras rahi thi, sarp tak nagar mean giraye ja rahe the. prachand chakravat utpann karake shalv ne dishaoan ko ghooli se bhar diya tha. isalie logoan ko bhavanoan ke gavaksh band kar lene p de the aur ve bhayabhit bhi ho gaye the. anek bar shakti ka unmad vyakti se buddhihinata ke kary karavata hai. shalv ne jab dekha ki vah dvarika ke mukhy bhag par akraman nahian kar sakata, atank yuddh par utar aya tha. yah yuddh usake apane hi viruddh p d raha haian, yah usane nahian dekha. usake dvara utpann andh d ne logoan ke bhavan ke dvar, gavakshadi band karane ko vivash kar diya; ab usake dvara pheanke gaye sarp svayan usi ki shila evan vrikshoan tatha shastr-varsha mean mare gaye kyoanki ve bhavanoan ke oopar ya margoan par hi pahuanch sake the. unhean kisi par akraman ka avasar hi nahian mila. yadav shoor bahut shighr tatpar ho gaye. pradyumn ke netritv mean satyaki, charudeshn, samb, akroor, hardiky, bhanuvind, gad, shak, saran adi maharathi apane rathoan se sena ke sath margoan par aye aur dvarika ke sabhi margoan se charoan or se nagar dvaroan ki or shankhanad karate, jayaghosh karate chale to nagarajanoan mean phaila atank samapt ho gaya. logoan mean utsah a gaya, unhean apane shooroan par shakti par vishvas tha. |
tika tippani aur sandarbh
sanbandhit lekh
adhyay | adhyay ka nam | prishth sankhya |
varnamala kramanusar lekh khoj