shrijnaneshvari -sant jnaneshvar
|
|
adhyay-16
daivasur sampadvi bhag yog
jo soory udit hote hi poorv ityadi dasoan dishaoan ke sahit uday aur ast ka bhi nash kar deta hai, jo jnan-ajnan donoan ka ant karake unamean chhipa hua atmatattv prakat kar deta hai, kianbahuna, is prakar jo soory ek vilakshan aur nootan prabhav lakar kh da kar deta hai, aharnish ke prantoan ke us par rahane vale us jnan-soory ki or drishti dalane mean bhala kaun saksham ho sakata hai? jo prakashy vastuoan ke bina hi prakash puanj hai, un jnan-soory shrinivrittinath ki maian barambar vandana karata hooan, kyoanki yadi maian shabdoan ke dvara unaki stuti karane lagooan to mujhe apani vagh-daurbalyata ka pata chalata hai. dev ki stuti to thik-thik tabhi ki ja sakati hai, jab unaki mahima chitt mean achchhi tarah se chitrit ho tatha jis vastu ki stuti ki jay, vah vastu aur buddhi donoan ek sath milakar ek jiv ho jay. jisaka jnan usi samay hota hai, jab ki namaroop vale vastuoan ka jnan samool vinasht ho jay, jisaka vivechan maun ke aliangan mean hi ho sakata hai aur jisaka pata svayan lay ko milane vale jiv ko hi anubhav se chalata hai, jin gurudev ke lakshan kahate-kahate para vani ke sahit vaikhari vani bhi pashyanti aur madhyama vaniyoan ke garbh mean pravisht hokar vahian lay ko prapt ho jati hai, un ap gururaj ko maian apane antahkaran mean svayan sevak-bhav ki parikalpana karake shabdik stotr ke saj se susajjit kar raha hooan. yadi maian yah kahooan ki ap is sajja ko saday hokar svikar karean to is prakar ki bat bhi advait anand mean nyoonata lane ki hi bhaanti hogi. par jaise amrit-sindh ke darshan hone par koee nirdhan hakka-bakka ho jata hai aur apani yogyata-ayogyata ka vichar bhoolakar us amrit-sindhu ka atithy shak-bhaji se hi karane ka upakram karane lag jata hai aur aise avasar par jis prakar us shak-bhaji ka hi svagat karake us amrit-sindhu ke liye us nirdhan ke anandollas ka hi dhyan rakhana samichin hota hai, thik vaise hi yadi ap bhi apana divy tej chhipakar meri bhakti ki is sadharan arati ki hi or dhyan dean, to mera sara-ka-sara kam sampann ho jayaga. yadi chhota bachcha hi uchit kya hai aur anuchit kya hai, is bat ko achchhi tarah se samajh le to phir usaka bachapana hi kahaan rah jay? par phir bhi usaki mata usaki atapati batoan se santusht hoti hai athava nahian? |
|
sanbandhit lekh
| kram sankhya | vishay | prishth sankhya |