shrijnaneshvari -sant jnaneshvar
adhyay-14
gunatray vibhag yog
he achary! apaki jay ho, jay ho. samast devoan mean ap hi shreshth haian. ap hi prajna-prabhat soory haian. sukh ka uday apase hi hota hai. ap hi sabake vishram sthal haian. ap hi ke dvara atmabhavana ka sakshatkar hota hai. is nanasvaroop vali panchabhootatmak srishti ki tarangean jis samudr par uthati haian, vah samudr ap hi haian. apake aise svaroop ki jay ho, jay ho. he artabandhu! nirantar karunyasindhu, shuddh atmavidyaroopi vadhoo ke vallabh, ap sunean. ap jinaki drishti mean nahian ate, unhian ko ap yah mayik vishv dikhalate haian aur unhian par yah namaroopatmak jagath prakat karate haian. doosaroan ki drishti ko churane ko hi drishti-bandh kahate haian; parantu apaka yah adbhut kaushal aisa hai ki ap svayan apana svaroop chhipate haian. he gurudev! ap hi is vishv ke sarvasv haian. yah sab natak apaka hi racha hua hai, ap hi kisi ko maya ka bhas karate haian aur kisi ko atmabodh karate haian. apake aise svaroop ko naman hai. meri samajh mean to sirph yahi ata hai ki is jagath mean jise aph (jal) kahate haian, use apake hi shabdoan se madhurata prapt huee hai. apase hi prithvi ko kshama vala gun bhi mila hua hai. soory aur chandrama ityadi jo tejasvi sipahi sansar mean udit hote haian unake tej ko apaki prabha se hi tej prapt hota hai. vayu ki chanchalata bhi apaki hi divy samarthy hai aur akash bhi apaka hi ashray pakar yah aankh michauni ka khel khelata hai. tatpary yah ki yah sari maya apaki hi den hai aur apaki hi samarthy se jnan ki drishti prapt hoti hai. par ab is vivechan ka yahian avasan karana chahiye, karan ki ved bhi aisa vivechan karate-karate thak jate haian. jis samay tak apake atmasvaroop ke darshan nahian hote, us samay tak to vedoan ki vivechanatmakata shakti thik tarah kam karati hai, par jab apake svaroop ke sannikat ki koee manjil athava p dav a jata hai, tab phir ved bhi tatha maian bhi- donoan maun ho jate haian, arthath donoan ki dasha ek saman ho jati hai. jis samay chaturdikh samudr-hi-samudr hoan aur ek bulabula bhi alag n dikhayi deta ho, us samay mahanadiyoan ko dhooandh nikalane ki bat hi nahian karani chahiye. |
sanbandhit lekh
kram sankhya | vishay | prishth sankhya |