vishay soochi
bhakti sudha -karapatri maharaj
shrirasalilarahasy
yahaan yah shanka ho sakati hai ki unhean bhakti pradan karane ki aisi avashyakata hi kya hai? isaka uttar yahi hai ki bhagavan aisa karake unhean paramahans se shriparamahans banate haian. tattvajn log yadyapi sajatiy, vijatiy evan svagatabhed-shoony shuddh parabrahm ka anubhav karate haian parantu prarabdh shesh paryant nirupadhik nahian hote. yadyapi unhoanne dehendriyadi ka mithyatv nishchay kar liya hai tathapi vyavahar kal mean inaki satta bani rahati hai. samadhi kal mean bhi nirvrittik manaroop upadhi rahati hi hai. isi se vachaspati mishr ne kaha hai ki nirupadhik brahm ka sakshatkar nahian hota. sankshep sharirakar bhi avidya ka ashray shuddh chetan ko hi manate haian. unaka kathan hai- “ashrayatvavishayatvabhagini nirvibhagachitirev kevala.” arthat ajnan ka ashray aur vishay akhand shuddh chetan hi hai. kintu jis samay shuddh chetan ajnan ka ashray aur vishay hota hai us samay vah ajnanopahit to hona hi chahiye. atah isaka tatpary yahi hai ki ajnan ajnanatirikt upadhishoony brahm ko hi vishay karata hai. jis prakar sansar ka adi moolajnan hai usi prakar usaka ant bhi charamavritti hai. vastutah moolajnan aur charamavritti mean koee antar nahian hai. charamavritti parabrahm ko vishay karati hai-isaka tatpary yahi hai ki vah charamavritti se vyatirikt upadhihin brahm ko vishay karati hai, kyoanki charamavritti to vahaan maujood hi hai. nirupadhik brahm ka anubhav to prarabdh kshay ke anantar upadhi ka nash hone par hi hota hai. kintu jis samay ve hi shuddh parabrahm apani achinty lilashakti se kotikamakamaniy mahamanohar shrikrishnamoorti mean pradurbhoot hoange us samay us tattvajn ko bhi unaka vah divyadarshan nirvishesh brahmadarshan ki apeksha adhik anandaprad pratit hoga. jis prakar soory ko dooravikshan yantr dvara dekhane par usamean jo vichitrata pratit hoti hai vah kelav netroan se dekhane par pratit nahian hoti. usi prakar lilashaktyupahit sagun brahmadarshan mean jo anandanubhav hota hai vah ashesh-vishesh shoony shuddh parabrahm ke sakshatkar mean bhi nahian hota. |
tika tippani aur sandarbh
sanbandhit lekh
kram sankhya | vishay | prishth sankhya |
varnamala kramanusar lekh khoj