|
|
gopi git -karapatri maharaj
kamalanayan bhagavan shrikrishn ka jo log poojan nahian karate ve jivit hote hue bhi mare (mrit) ke tuly hi haian, aise logoan se bat tak nahian karani chahie.
gopiyoan ke prem prashansa bhagavan shrikrishn ne svayan apane shrimukh se ki hai. uddhav jaise jnani bhaktoan ne muktakanth se unake anupam prem ki sarahana ki hai. gopiyaan yadi svairini, kulata hotian, to bhagavan unaki prashansa kaise karate aur kyoan uddhav jaise jnani bhakt unaki charan-dhooli ki kamana karate? gopiyoan ki bhakti sarvatha avyabhicharini aur ahaituki thi. unaka bhagavan shrikrishn ke prati pavitr bhav tha. tadanusar hi unaki rasalila bhi atyant pavitr thi. unaka chalana, bolana, milana, nachana, gana sabhi kuchh pavitr tha, anand aur prem se paripoorn tha. bhagavan ki bhakti ki sadhana karane par kam-krodhadi doshoan ka samoolonmoolan tak ho jata hai, to bhagavadh-bhakti ki adarshabhoot gopiyoan mean kamadi doshoan ki kalpana karana apane hi dooshit hriday ka parichay dena hai. unaka ras bhagavan ke prem ka moortaroop tha. premamay bhagavadh-bhakti ki bhagirathi ke pavitr jal mean snan kiye bina manushy-jivan sukh-shantimay nahian ban sakata.
shrimadbhagavat mean navadha bhakti ka niroopan kiya gaya hai-
shravanan kirtanan vishnoah smaranan padasevanamh.
archanan vandanan dasyan sakhyamatmanivedanamh..
yah nav prakar ki bhakti aur dasavian premalakshana bhakti tatha gyarahavian parabhakti hai. bhakti ki pratham sidhi bahyopasana hai aur doosari sidhi antaropasana hai.
padasevan, archan, vandan, dasy aur sakhy-ye paanchoan bhaktimarg ke bahirang sadhan haian aur smaran, atmanivedan ye antarang sadhan haian aur shravan tatha kirtan ye do bahyantar mishr sadhan haian. in sadhanoan se bahirmukh vritti ko antarmukh kiya jata hai. bhakti ka mukhy lakshan yahi hai ki bhakt ki bahirmukh vrittiyaan laukik padarthoan ki or se hatakar antarmukh ban jayan, jisase vah manovritti apane bhagavan ke aradhyasvaroop mean vilin ho sake.
|
|
