shrimadbhagavadgita -vishvanath chakravartti
ashtam adhyay
sararth varshini prakashika vritti-
jis prakar mrityu ke samay bhagavat-smaran se bhagavad bhav ki prapti hoti hai, usi prakar anyany vastuoan ke smaran se bhi vaise hi bhavoan ki prapti hoti hai. jaise maharaj bharat ne mrityu ke samay mrig shavak ka chintan karane ke karan agale janm mean mrig ka sharir prapt kiya. isalie mrityu kal mean doosare vishayoan ka smaran n ho, keval bhagavanh ka smaran ho, usake lie prayatn karana kartavy hai. yadyapi bharat maharaj bhavavastha prapt uchch koti ke bhakt the tathapi bhagavath-ichchha se lok shiksha ke lie ve mrig-shishu ke roop mean paida hue. ve jatasmar hone ke karan doosare aur tisare janmoan mean vishayi logoan ka sang n kar bhakti ke anushilan mean hi tatpar rahe. karm phal badhy sadharan jivoan ko bharat maharaj ke drishtant se shiksha grahan karani chahie tatha unhean bhi apane saman karm phal badhy manakar unake charanoan mean aparadh nahian karana chahie. shrimadbhagavat ke puranjan upakhyan mean yah dikhaya gaya hai ki puranjan ant samay mean kis prakar stri ki chinta karate-karate stri yoni ko prapt hue. yahi nahian ham log jivan bhar jo kuchh karate haian, antim samay mean vaisi hi smriti hoti hai aur usi ke anuroop agala jivan prapt hota hai. isalie sadhakoan ko is jivan mean shri harinam aur shuddh bhakti ka hi anushilan karana chahie, jisase antim samay mean bhagavath-smriti prabal hokar hamare kalyan ka marg prashast karegi..6..
tasmatsarveshu kaleshu mamanusmar yudhy ch.
mayyarpitamanobuddhirmamevaishyasyasanshayah॥7॥
atev, he arjun! tumhean sadaiv krishn roop mean mera chintan karana chahie aur sath hi yuddh karane ke kartavy ko bhi poora karana chahie. apane karmoan ko mujhe samarpit karake tatha apane man evan buddhi ko mujhamean sthir karake tum nishchit roop se mujhe prapt kar sakoge.
bhavanuvad- man-sankalpatmak, buddhi- vyavasayatmika..7..
sararth varshini prakashika vritti-
atev tum sarvada hi mere parabrahm bhav ka smaran karate hue apana svabhav vihit kary arthath yuddh karo. isase tumhara sankalpatmk man aur vyavasayatmika buddhi mujhamean arpit hogi aur tum mujhe hi prapt karoge..7..
|
