shrimadbhagavadgita -vishvanath chakravartti
tritiy adhyay
indriyani mano buddhirasyadhishthanamuchyate.
etairvimohayatyesh jnanamavrity dehinamh॥40॥
indriyaan, man tatha buddhi is kam ke nivasasthan haian. inake dvara yah kam jivatma ke vastavik jnan ko dhak kar use mohit kar leta hai.
bhavanuvad- yah kam kahaan rahata hai-isake uttar mean shribhagavanh ‘indriyani’ ityadi kah rahe haian. ye sab (indriyaan, man, buddhi) is kamaroop shatru ke ashray haian jo ki mahadurg ya rajadhani ke saman hai. shabdadi vishay samooh us raja ke desh ya rajy haian. in sabake dvara ‘dehi’ arthath jiv mohit hota hai..40..
sararth varshini prakashika vritti- shatru ke chhipane ka sthan jan lene par us sthan ko dhvansakar shatru ko asani se parajit kiya ja sakata hai. kam ka ashrayasthal indriyaan haian, atah indriyoan ka daman karane se hi kam ko asani se parajit kiya jata hai. isalie bhagavan shrikrishn ne yahaan kam ko prabal pratapi narapati, indriyoan ko mahadurg ke dvara pariveshtit rajadhani svaroop aur vibhinn vishayoan ko rajy ya janapad svaroop bataya hai.
“vishuddh jnanasvaroop jiv deh dharanakar ‘dehi’ ke nam se vikhyat hota hai. yah kam jiv ke indriy, man aur buddhi mean adhishthan karate hue jiv ke jnan ko avrit kiye rahata hai. kam ka sookshm tattv avidya hai, yah avidya hi sarvapratham vishuddh ahankarasvaroop anuchaitany jiv ko prakrit ahankararoop pratham avaran pradan karati hai aur prakrit buddhi hi isake ashrayasthal ka kary karati hai. bad mean prakrit ahankar ke paripakv hone par buddhi manaroop dvitiy ashrayasthal pradan karati hai. man vishayoan ki or unmukh hokar indriyoan ke roop mean tritiy adhishthan prastut karata hai. in tinoan ashrayasthaloan ka ashrayakar kam jiv ko j d-vishayoan mean nikshep kar deta hai. svatantr ichchhapoorvak mere prati unmukhata ‘vidya’ evan svatantr ichchhapoorvak mere prati vimukhata ‘avidya’ kahi jati hai.”-shribhaktivinod thakur..40..
tasmath tvamindriyanyadau niyamy bharatarshabh.
papmanan prajahi hyenan jnanavijnananashanamh॥41॥
isalie he bharatavanshiyoan mean shreshth arjun! prarambh mean hi indriyoan ko vash mean karake is pap ka mahan pratik (kam) ka daman karo aur jnan tatha atm-sakshatkar ke is vinashakarta ka vadh karo.
bhavanuvad- shatru ke ashrayasthal ko jit lene se shatru par vijay ho jati hai-yahi niti hai. kam ke ashrayasthal indriy, man aur buddhi ko jitana kramashah adhik kathin hai. indriyaan durjey haian, parantu ye man aur buddhi ki apeksha sugamata se jitane yogy haian, atah tum sarvapratham indriyoan ko hi jito. isake lie hi ‘tasmath’ ityadi kah rahe haian. yadyapi kathinata se vash mean hone vala man hi parastri, paradravyadi ki or dhavit hota hai, tathapi un sabako aankh, kan, hath paanv ityadi indriyoan ka kary samajhakar indriyoan ko niyantrit kar vahaan mat jane do. tum ‘papmanan’ arthath ati ugr kam ka tyag karo, is prakar indriyoan ko vashibhoot karate-karate isase kalantar mean man bhi kam se door ho jaega..41..
|
