shrijnaneshvari -sant jnaneshvar
adhyay-15
purushottam yog
he dhananjay! jaise jagrat-avastha hi nidra ka bhi tatha jagaran ka bhi karan hai, thik vaise hi maian hi in jivoan ke jnan aur ajnan in donoan ka bhi karan hooan. jaise rassi hi sarpabhas ka bhi tatha rassi ke jnan ka bhi mool karan hoti hai, thik vaise hi maian hi jnan ka bhi tatha ajnan ka bhi aur ajnan ke karan drishtigat hone vale samast saansarik prasar ka bhi mool karan hooan. isiliye he kiriti! vastav mean mera jo svaroop hai, us svaroop ki parikalpana n hone par jis samay ved mujhe janane ke liye age kadam badhaye, us samay unamean bhinn-bhinn shakhaean nikalane lagian. to bhi yahi janana chahiye ki ve shakhaean bhi mera hi jnan karati haian karan ki chahe poorab ki or bahane vali nadi ho aur chahe pashchim ki or bahane vali nadi ho, donoan hi antatah samudr mean jakar milati haian. jaise parimalasahit pavan ke jhoanke akash mean lin hote haian, thik vaise hi shabdoan ke sahit shrutiyaan bhi ‘ahan brahmasmi’ vale mahasiddhant mean lin hoti haian aur phir is prakar sari shrutiyaan jo lajjit hokar stabdh ho jati haian, so yah kary bhi mere hi prakash se hota hai. tadanantar, jo nirmal jnan hone par shrutiyoan ke sahit samast jagath lin ho jata hai, us jnan ko janane vala bhi ekamatr maian hi hooan. jaise nidra samapt hone par svapnavastha ki koee bat vyakti mean nahian rah jati aur vah samajh leta hai ki keval maian hi hooan, thik vaise hi bina kisi dvaitabhas hue maian svayan apani advaitata janata hooan. maian hi atmabodh ka karan bhi hooan. itana hone par jaise kapoor mean agni prajvalit karane par, he vir shiromani! n to kajal hi avashisht rah jata hai aur n agni hi avashisht rahati hai, thik vaise hi jo jnan samast avidya ko jalakar rakh kar dalata hai, svayan vah jnan hi jis samay vilupt ho jata hai, us samay hona tatha n hona athava janm-mrityu kuchh bhi shesh nahian rah jata. jo chor sare vishv ko hi chura kar apane sath le gaya ho, bhala usaka pata kaise lagaya ja sakata hai? |
sanbandhit lekh
kram sankhya | vishay | prishth sankhya |