shrijnaneshvari -sant jnaneshvar
adhyay-9
raj vidyaraj guhyayog
is prakar nirmal premabhav se jo log mera bhajan karate haian, unako punah sharir prapt nahian hota, phir chahe ve log kisi bhi jati ke hoan, isamean kuchh bhi hani nahian hai. he subhat (arjun)! yadi acharan ki drishti se aisa manushy durachari bhi ho, to bhi yah nahian bhoolana chahiye ki dehavasan ke samay vah bhakti ke chabootare par chadh chuka hota hai. sharirapat hone ke samay mean jaisi buddhi hoti hai, tadanusar age ki gati ka svaroop bhi nishchit hota hai. isiliye jo antakal mean apana jivan bhakti ke hath mean sauanp deta hai, vah pahale chahe durachari bhi raha ho, par ab vah apani bhakti ke bal se sarvashreshth hi gina jana chahiye. yadi koee vyakti ek bar kisi badh mean doob jay aur bina mare hi sakushal bahar nikal ave, tab usaka pahale ka doobana jaise vyarth ho jata hai, vaise hi yadi dehavasan kal mean vyakti bhakti grahan kar le, to usake poorvakrit samast pap mit jate haian. isaliye yadi koee vyakti kisi samay durachari bhi raha ho, par yadi vah pashchattaparoopi tirth mean avagahan karake shuddh man se mere svaroop mean sama jay to usaka kul pavitr hi samajhana chahiye aur yah man lena chahiye ki usaki kulinata nirmal hai aur vastav mean usane apana janm sarthak kar liya hai. phir usake liye aisa ho jata hai ki mano usane samast vidyaoan ko padh liya ho, sab prakar ke tap ko kar chuka ho aur ashtaangayog ka abhyas kar liya ho. he parth! ab is vishay ke vistar ki avashyakata nahian. kahane ka abhipray yahi hai ki jisake chitt mean mera akhand anurag utpann ho jata hai, vah poornataya sab karmoan se par ho jata hai. he kiriti! jo apane man aur buddhi ki sari kriyaean ek nishta ki pitari mean bharakar poornaroop se mere adhin kar deta hai, vah isi prakar karmatit ho jata hai.[1] |
tika tippani aur sandarbh
- ↑ (415-424)
sanbandhit lekh
kram sankhya | vishay | prishth sankhya |