shrijnaneshvari -sant jnaneshvar
adhyay-10
vibhooti yog
yadi sare nakshatroan ko chunane ki ichchha ho to jis prakar gagan ki gathari baandhane ki avashyakata hogi athava yadi prithvi ke paramanuoan ko ginane ki abhilasha ho to poori prithvi ko bagal mean dabane ki jaroorat hogi, usi prakar yadi meri samast vibhootiyoan ko dekhane ki abhilasha ho to svayan mera hi jnan prapt karana p dega. jis prakar yadi shakhaoan sahit sare pushpoan aur phaloan ko apane hath mean lene ki kamana ho to j dasahit vriksh ko hi ukha d kar hath mean lena p dega. usi prakar yadi meri samast vibhootiyoan ke vishay mean jnan prapt karane ki abhilasha ho to mere nirdosh vyapak svaroop ka hi jnan prapt karana p dega aur nahian to maian apani alag-alag vibhootiyaan kahaan tak ginaooanga? isaliye he mahamati, tum sankshep mean yahi jan lo ki maian hi sab kuchh hooan. he kiriti, jaise vastr ke adi, madhy aur ant mean soot-hi-soot rahata hai, vaise hi is srishti ki utpatti, sthiti aur nash-in tinoan avasthaoan mean maian hi rahata hooan. jab meri is vyapakata ka jnan n ho, tab phir prithakh-prithakh sab vibhootiyaan batalane ki kya jaroorat hai? parantu tumamean inati samarthy nahian hai ki tum meri vyapakata ko jan sako; isaliye maianne tumhean itani batean batala di haian aur tumhare liye yahi batean yathesht haian. parantu tumane jis drishti se meri vibhootiyoan ke vishay mean poochha hai, usi drishti se maian bhi batalata hooan; suno. samast vidyaoan mean adhyatm vidya hi meri pradhan vibhooti hai. bolane valoan mean jo vad hota hai aur jisake bare mean n to kabhi sab shastroan ki ekavakyata hi hoti hai aur n jisaka kabhi avasan hi hota hai, vah vad bhi maian hi hooan. mitane ki cheshta karane par jo vad aur bhi badhata hai tatha jor pak data hai, jisake karan sunane valoan ke man mean utpreksha se eershya badhati hai aur jisase vaktaoan ke bhashan mean madhury ata hai, vah vad bhi maian hi hooan. shrigovind ne kaha ki aksharoan mean jo pahala akshar ‘a’ kar hai, vah bhi meri hi vibhooti hai. maian hi samasoan mean dvandv samas hooan. masak se lekar brahmadevaparyant sabaka gras karane vala kal bhi maian hi hooan. anant kal meruprabhriti parvatoan sahit samast bhoomandal ko pighala deta hai, pralayakal mean samast vishv ko jalamagn karane vale asim sagar ko bhi jo mahakal jahaan-ka-tahaan sukha deta hai aur akash jisake pet mean sama jata hai, lakshmi ke sang kri da karane vale shrikrishn ne kaha ki vah mahakal bhi maian hi hooan aur isi prakar phir se srishti ka srijan karane vala bhi maian hi hooan.[1] |
tika tippani aur sandarbh
- ↑ (259-273)
sanbandhit lekh
kram sankhya | vishay | prishth sankhya |