gita rahasy athava karmayog shastr -bal gangadhar tilak
|
paanchavaan prakaran
“dharmo nityah sukh-duahkhe tvanitye’’ is vachan ka marm bhi yahi hai. “adhikaansh logoan ka adhik sukh’’ is shabd samooh ke sukh shabd ke arth ke vishay mean adhibhautik-vadiyoan mean bhi bahut matabhed hai. unamean sean bahuteroan ka kahana hai ki bahudha manushy sab vishay-sukhoan ko lat mar kar keval saty athava dharm ke liye jan dene ko taiyar ho jata hai, isase yah manana anuchit hai ki manushy ki ichchha sadaiv adhibhautik sukh- prapti ki hi rahati hai. isaliye un panditoan ne yah soochana ki hai, ki sukh shabd ke badale mean hit athava kalyan shabd ki yojana karake “adhikaansh logoan ka adhik sukh’’ is sootr ka roopantar “adhikaansh logoan ka adhik hit ya kalyan’’ kar dena chahiye. parantu, itana karane par bhi, is mat mean yah dosh bana hi rahata hai, ki karta ki buddhi ka kuchh bhi vichar nahian kiya jata. achchha, yadi yah kahean ki vishay- sukhoan ke sath manasik sukhoan ka bhi vichar karana chahiye, to usase adhibhautik paksh ki is pahali hi pratijna ka virodh ho jata hai- ki kisi bhi karm ki nitimatta ka nirnay keval usake bahy parinamoan se hi karana chahiye- aur tab to kisi n kisi aansh mean adhyatm-paksh ko hi svikar karana p data hai. jab is riti se adhyatm-paksh ko svikar karana hi p data hai, to use adhoora ya aanshatah svikar karane se kya labh hoga? isiliye hamare karmayogashastr mean yah aantim siddhant nishchit kiya gaya hai, ki sarvabhootahit, adhikaansh logoan ka adhik sukh aur manushyatv ka param utkarsh ityadi niti-nirnay ke sab bahy sadhanoan ko athava adhibhautik marg ko gaun ya apradhan samajhana chahiye aur atmaprasad-roopi atyantik sukh tatha usi ke sath rahane vali karta ki shuddh buddhi ko hi adhyatmik kasauti jan kar usi se karm-akarm ki pariksha karani chahiye. un logoan ki bat chho d do, jinhoanne yah kasam kha li ho ki ham drishy srishti ke pare tattvajnan mean pravesh hi n kareange. jin logoan ne aisi kasam khaee nahian hai, unhean yukti se yah maloom ho jayaga ki man aur buddhi ke bhi pare ja kar nity atma ke nity kalyan ko hi karmayogashastr mean pradhan manana chahiye. koee koee bhool se samajh baithate haian, ki jahaan ek bar vedant mean ghuse ki bas, phir sabhi kuchh brahmamay ho jata hai aur vahaan vyavahar ki upapatti ka kuchh pata hi nahian chalata. aj kal jitane vedant-vishayak granth padhe jate haian ve prayah sannyas marg ke anuyayiyoan ke hi likhe hue haian, aur sannyas marg vale is trishnaroopi sansar ke sab vyavaharoan ko niahsar samajhate haian, isaliye unake granthoan me karmayog ki thik thik upapatti sachamuch nahian milati. adhik kya kahean; in par sanpraday-asahishnu granthakaroan ne sannyasamargiy kotikam ya yuktivad ko karmayog mean sammilit kar aisa bhi prayatn kiya hai jisase log samajhane lage haian; ki karmayog aur sannyas do svatantr marg nahian haian, kiantu sannyas hi akela shastrokt moksh marg hai. parantu yah samajh thik nahian hai. |
|
tika tippani aur sandarbh
sanbandhit lekh
| prakaran | nam | prishth sankhya |
varnamala kramanusar lekh khoj