shri dvarikadhish -sudarshan sianh 'chakr'
10. maharani mitravinda
rajamata rajadhidevi un dinoan apane bhaee ke unhian donoan putroan ki charcha, unhian ke prem mean vihval ho gayi. ve to usi din se donoan bhaiyoan ke samavartan-sanskar ki prastuti mean lag gayi thi. donoan ke liye svarnakhachit ratnajatit ushnish, kanchukadi ki svayan rachana karane lagi thi. 'anant shobhadham haian, ye vasudev. sakshat narayan prakat hue mere bhaee ke ghar unake chhote putr banakar aur unake b de bhaee svayan anant haian.' mata ke liye un dinoan doosara koee varnaniy, chintaniy rah nahian gaya tha. ve donoan ka- visheshatah chhote bhratriputr ka roop, gun, unake kans-vadhadi parakram ka varnan karati rahi, bar-bar varnan karati rahian. unaki ekamatr kanya mitravinda- vah tab alpavayaska kishori thi. mata ke mukh se rat-din jinaki shobha, jinake gun, jinake parakram ko suna usane, unako dekhane ki utkantha use kyoan nahian hoti. vah mata se poochhati thi- 've kab aveange yahaan?' 'jab unaka samavartan sanskar ho jayega.' mata kahatian- 've aveange- maian unhean agrah karake, hath pak dakar le aooangi. mere bhaee ke putr haian. mera atithy grahan kiye bina chale kaise jayeange.' 'samavartan kab hoga?' mitravinda bholepan se mata se poochhati thi- 'maharshi shighr samavartan nahian kar sakate?' 'maharshi jab shiksha samapt kar leange tabhi samavartan hoga. isamean shighrata nahian ki ja sakati.' rajamata ne kaha tha- 'kisi ko do-char varsh lagate haian aur kisi ko bis varsh bhi lagate haian. jis balak mean jaisi buddhi ho, jaisi pratibha ho, jaisi grahan-shakti ho utana samay lagata hai. mere ye bhratriputr asadharan haian, inhean varsh-do-varsh se adhik nahian lageange.' kahaan ke varsh-do-varsh, tisare mahine ke prarambh mean hi akasmat samachar mila- 'balaram-shrikrishn ka kal samavartan sanskar hoga.' ratri bhar mata ke sath balika mitravinda vyast rahi samaroh ke liye samagri prastut karane mean. 'ye anant! ye vasudev!' usane to kalpana bhi nahian ki thi ki srishti mean itana saundary bhi hota hai. usane shrikrishn ko dekha aur dekhati rah gayi. phir usane utsav mean kya-kya hua, yah kuchh nahian dekha. vah to usi din unako hriday de chuki- unaki ho gayi. samavartan ke pashchat ve rath mean baithe aur kahian tatkal chale gaye. mata ne kaha- 'maharshi ne apana samudr mean doob gaya putr gurudakshina mean maanga hai. use lene gaye haian donoan bhaee.' |
tika tippani aur sandarbh
sanbandhit lekh
adhyay | adhyay ka nam | prishth sankhya |
varnamala kramanusar lekh khoj