yogiraj shrikrishn -lala lajapataray
paiantisavaan adhyay
krishn maharaj ki shiksha
spasht to yah hai ki hamare vichar mean krishn maharaj ne koee aisa mat nahian chalaya jisako ham unake nam se prasiddh karean. isalie shabd krishnaijm ka prayog hi ashuddh aur anuchit hai. yadi krishnaijm se unhian upadeshoan ka abhipray hai jo krishn maharaj ne arjun tatha apane doosare sambandhiyoan ko yathasamay diye aur jinamean prachin ved granthoan ke nishkam karm darshan par jor diya gaya hai, to kuchh hani nahian hai kyoanki krishn nam kisi vishesh dharm ka nahian hai jise krishn maharaj ne chalaya ho. parantu isamean koee sandeh nahian ki nishkam dharm ka jaisa prabhavotpadak upadesh krishn maharaj ke vakyoan mean milata hai vaisa aur kisi rrishi-muni ke upadesh mean nahian milata. bhagavadgita ke prithak-prithak adhyay yadyapi bhinn-bhinn vishayoan par likhe hue haian parantu sabaka saraansh ekamatr nishkam dharm ki shiksha hi hai. mahabharat mean bhi krishn maharaj ke bhinn-bhinn vakyoan mean nishkam dharm sabase pradhan hai, unaki pratyek bat ka marmashay yahi hai. bhinn-bhinn ritiyoan se bhinn-bhinn pranali mean dharm ke bhinn-bhinn aangoan ki vyakhya karate hue prayah pratyek yukti ka aant nishkam dharm ki pradhanata par hota hai. bhagavadgita ke pratyek akshar mean nishkam dharm ka rag alapa gaya hai. n keval unake vachanoan mean, varanch unake karm aur unake vyavahar mean bhi isi shiksha ka asar dikhaee deta hai, jisase ham yah kah sakate haian ki jhoothe tyag aur vairagy ka khandan karate hue nishkam dharm ki pradhanata ko phailana aur nishkam darshan ki vyakhya karana yahi krishn maharaj ke jivan ka uddeshy tha aur yahi hamako unake vachanoan mean jagah-jagah dikhaee deta hai. jahaan kahian kabhi unako dharmik vyavastha dene ki avashyakata p di to unhoanne ise siddhant banakar usi ke anusar apana nyay kiya. is shiksha ka anukaran karana hi unhoanne manushy matr ke jivan ka uddeshy thaharaya. isi par kary karane ke lie vah un sab logoan ko prerana karate the jinaka kisi-n-kisi prakar se unase sanbandh raha. mitroan ki sangati mean, sanbandhi v rishtedaroan ke vyavaharoan mean, apane sevakoan tatha bhaktajanoan ke prashnoan ke uttar mean, rajasabhaoan mean, yajnadi tatha anyany dharmik krityoan ke avasar par tatha shatruoan se yuddh ke samay, tatpary yah ki jivan ki ghatanaoan aur har bar par unhoanne isi shiksha ko apana pradhan lakshy niyat kar liya tha. aant mean mrityu ke samay jis badhik ke ban se ve ghayal hue, use bhi isi nishkam dharm ka upadesh karate hue svarg ko padhare. |
sanbandhit lekh
adhyay | adhyay ka nam | prishth sankhya |
varnamala kramanusar lekh khoj