|
|
karmoan ka sidha sambandh jnan ke sath hai aur jnan ka moksh ke sath. karm se chitt-shuddhi; chitt-shuddhi se jnan aur jnan se moksh yah kram hai. jnan prapti ke lie sham, dam, titiksha adi antarik sadhanoan ki; yajn, tap, dan adi bahy sadhanoan ki, tatha shravan, manan, dhyan, upasana adi sadhanoan ki avashyakata hai. nirgun nirakar paramabrahm ka abhas[1] sagun-sakar jiv ke roop mean deh mean prakat hota hai jo parishuddh chitt mean pratibimbit hota hai jisak anubhay ya jnan paripakv buddhi se hi ho sakata hai. rag-dvesh, maya, moh adi se ashuddh chitt mean paramatma ka abhas nahian hota. nishkam bhav se anushthit yajn-tap-dan adi bahy sadhanoan se chitt ka mal dhul jata hai; sham-dam adi antarik sadhanoan se buddhi paripakv hoti hai, aur paripakv buddhi se hi paramatma ki pahachan, jnan ka anubhav hota hai.
jivatma paramatm-svaroop hote bhi log yahi manate haian ki jiv se hi adharm ya papacharan hota hai. papacharan yadi jivatma ka dharm ban jave to jivatma papacharan se kabhi mukt nahian ho sakata kyoanki koee bhi padarth apane dharm se mukt nahian ho sakata. jiv ka jiv-bhav arthat “maian” bhav hi kalpanik v mithya hai aur jo papacharan ka aropan jivatma par aropit kiya jata hai vah bhi mithya v kalpanik hai.
|
|
