|
agar manushy chupachap baitha rahe, kuchh bhi kare nahian to kya yah karmoan ka tyag nahian hua?
nahian, jo manushy chupachap baithakar arthath indriyoan ko keval bahar se rokakar man se vishayoan ka chintan karata rahata hai, usaka yah chupachap baithana karmoan ka tyag karana nahian hua, pratyut us moodh buddhi vale ka yah chupachap baithana mithyachar hai..6..
apane jo samabuddhi batayi usaki prapti n to karmoan ke kiye bina hoti hai, n karmoan ke tyag se hoti hai aur n bahar se chupachap baithakar man se vishayoan ka chintan karate rahane se hoti hai to phir usaki prapti kaise hoti hai?
he arjun! jo manushy man se indriyoan ka niyaman karake asaktirahit hokar indriyoan ke dvara karmayog (nishkamabhavapoorvak apane kartavyakarmoan) ka acharan karata hai, ve shreshth hai arthath usako samabuddhi ki prapti ho jati hai. isaliye too shastravidhi se niyat kiye hue kartavyakarm kar; kyoanki karm n karane ki apeksha uparyukt vidhi se kartavyakarm karana shreshth hai. aur to kya, bina karm kiye tere sharir ka nirvah bhi nahian hoga..7-8..
karmoan ko karane se bandhan to nahian hoga bhagavanh!
nahian, yajn (kartavyakarm) ko keval apane liye karane se hi manushy karmoan se bandhata hai. isaliye he kuntinandan! too asaktirahit hokar yajn (kartavyakarm) ko keval kartavy-parampara surakshit rakhane ke liye hi kar..9..
|
