|
is daivi aur asuri sampatti ka kya phal hota hai bhagavanh?
daivi sampatti mukti dene vali aur asuri sampatti baandhane vali hoti hai. parantu he pandav! tumhean shok (chinta) nahian karana chahiye; kyoanki tum daivi sampatti ko prapt hue ho..5..
asuri sampatti bandhanakarak kaise hoti hai?
is lok mean do tarah ke praniyoan ki srishti hai- daivi aur asuri. daivi sampatti ko to maianne vistar se kah diya, ab he parth! tum asuri sampatti ko vistar se suno. asuri sampatti vale manushy kisamean pravritt hona chahiye aur kisase nivritt hona chahiye-isako nahian janate tatha unamean n to shauchachar (bahy shuddhi) hota hai, n sadachar (shreshth acharan) hota hai aur n saty-palan hi hota hai..6-7..
unamean shauchachar adi kyoan nahian hote haian bhagavanh?
unaki drishti hi viparit hoti hai. ve yahi kahate haian ki yah sansar asaty hai arthath isamean koee bhi bat (shastr, dharm adi) saty nahian hai. is sansar mean dharm-adharm, puny-pap adi ki koee maryada nahian hai. is sansar ko rachane vala koee eeshvar nahian hai; kintu stri ko purush ki or purush ko stri ki ichchha huee to donoan ke sanyog se yah sansar paida ho gaya. isaliye is sansar ki utpatti ka hetu kam hi hai, isake sivay aur koee karan nahian hai..8..
|
