hyaan hari joo bahu kri da kari. so tau chit tai jat n tari..
hyaan pay pivat baki saanharayau. sakat trinavart hyaan hari marayau..
vachchhasur kau ihaan nipatyau. baka, agha hyaan hari joo ghatyau..
haladhar marayau dhenuk kau ihaan. dekhau oodhau hatau pralab jahaan..
hyaan tai brahma vachchh gayau hari. aur kie hari lagi n pal ghari..
te sab rakhe saiti narahari. tab hyaan brahma astuti kari..
hyaan hari kali urag nikasyau. lagyau jaravan anal su nasyau..
vastr hamare hari joo hyaan hare. kahan lagi kahiyai je kautuk kare..
hari, haladhar hyaan bhojan kie. bipr tiyani kau ati sukh die..
ihaan govardhan kar hari dharayau. madhava ris tai hamai uvarayau..
sarad nisa mai ras rachyau ihan. so sukh ham pai varani jat kahan..
vrishabhasur kau ihaan sangharayau. bhaumaru kesi ihaan pachharayau..
hyaan hari khelat aankh michaee. kahan lagi varanai lila gaee..
suni suni oodhau prem magan bhayau. lotat dhar par jnan garab gayau..
nirakhat vraj bhoo ati sukh pavai. ‘sooraj’ prabhu gun puni puni gavai..4050..
