shrijnaneshvari -sant jnaneshvar
adhyay-14
gunatray vibhag yog
he parth! prakriti aur purush athava kshetr tatha kshetrajn ka yog jise kahate haian, vah yahi hai. yah yog atmatattv ka svabhavik dharm hi hai. ab is ajnan ka anusaran karake atma atmasvaroop ko hi dekhati hai, par use usake nana svaroopoan ka bhas hota hai aur usaki samajh mean yah bat nahian ati ki inamean se kaun-sa svaroop yatharth hai aur kaun-sa ayatharth. jaise koee rank bhramisht hokar yah kahane lage- ‘ja re ja, maian hi raja hooan.’ athava moorchchha ko prapt vyakti savadhan hone par kahane lage- ‘maian to svarg lok se ho aya.’ vaise hi ek bar drishti ke bhramapoorn hone par jo-jo padarth bhasaman hote haian, unhian sabaka nam srishti hai. yah srishti mujhase hi utpann hoti hai. jis prakar svapnavastha mean ek hi vyakti bhram se yah samajhane lagata hai ki ham anek haian, usi prakar ki dasha atmasvaroop ka vismaran hone par atma ki bhi hoti hai. ab maian is siddhant ka spashtikaran aise dhang se karata hooan, jisamean tumhean jara-si bhi shanka n rah jay. to bhi tum svayan isaka anubhav karo. meri yah avidya nam ki grihini anadi, sada taruny avastha mean hi rahane vali tatha varnanatit gunoan vali hai. yah kabhi nahian kaha ja sakata ki isaka svaroop keval amuk prakar ka hi hai, isake alava isaka aur koee prakar nahian hai. isaki akriti bahut b di hai. yah soye hue logoan ke nikat rahati hai aur jage hue logoan se door bhagati hai. jis samay maian suptavastha mean rahata hooan, us samay yah jagradavastha mean rahati hai tatha atmasatta ke sanyog hone par hi yah garbh dharan karati hai. phir yah mool maya apane pet mean prakritijany asht vikaroan ke garbh ki vriddhi karati hai. in prakriti aur purush ke milan se sarvapratham buddhi-tattv ka janm hota hai aur phir usase man utpann hota hai. jis samay is man ki yauvanavastha ati hai, us samay yah ahankar-tattv ki rachana karata hai aur usase mahabhootoan ka janm hota hai. svabhavatah bhootoan ka sambandh vishayoan aur indriyoan ke sath laga rahata hai aur isiliye inake sath hi vishayoan aur indriyoan ka bhi janm hota hai. jab is prakar vikaroan ki vriddhi hoti hai, tab trigun unaki pith par savar ho jate haian aur unake sath-hi-sath vasana bhi utpann ho jati hai. jaise jal ka sanyog hote hi bijakan vriksh utpann karane ka upakram karane lagata hai, vaise hi avidya (mool maya) mere sang se anek namaroopatmak jagath ke aankur utpann karane lagati hai. |
sanbandhit lekh
kram sankhya | vishay | prishth sankhya |