shrijnaneshvari -sant jnaneshvar
adhyay-11
vishvaroop darshan yog
inase cheshta karane vala jo bal hai vah to maianne pahale hi har liya hai. ab jo vir bache hue dikhayi dete haian, ve sirph kumbhakar ke dvara banaye hue nirjiv putale haian. jab kathaputaliyoan ko baandhakar rakhane vali aur unase nrity karane vali dori toot jati hai, tab ve kathaputaliyaan svatah vaise hi dh dadh d gir p dati haian, jaise dhakka dene se koee gir jata hai aur ve puttalikaean girakar ulti-pulti ho jati haian. thik isi prakar ab in senaoan ke ulatakar gir p dane mean kuchh bhi samay n lagega. at: he arjun! ab tum turant utho aur kuchh buddhimatta dikhalao. tumane go-grahan ke avasar par kaurav-senaoan par ekadam se mohanastr ka prayog kiya tha aur jab usase samast senaean moorchchhit ho gayi thian tab raja virat ke kayar putr uttar ke dvara tumane shatrupaksh ke logoan ka vastr chhinava liye the aur unhean nanga kara diya tha. par is samay ka kary to usase bhi kahian sookshm ho gaya hai. is ranabhoomi ki ye samast senaean to pahale hi mrityu ka varan kar chuki haian. ab in pahale se mrit p di senaoan ka nash kar dalo aur yah kirti sampadan karo ki akele arjun ne hi sare shatruoan ka vinash kar vijayashri prapt ki thi aur phir tumhean yah keval kirti hi nahian milegi, apitu isake sath-hi-sath samagr rajy lakshmi bhi tumhare hath lagegi. at: he savyasachi! ab in sab karyoan mean tum keval nimittamatr hi bano.[1] |
tika tippani aur sandarbh
- ↑ (466-471)
sanbandhit lekh
kram sankhya | vishay | prishth sankhya |