shrijnaneshvari -sant jnaneshvar
|
|
adhyay-6
atmasanyam yog
is sugam yogasthiti se anek logoan ne sankalp ki sampatti ka parityag kar moksh ka sakshatkar kiya hai. jis samay man sukh ke sath parabrahm ke bhitar ja pahuanchata hai, us samay vah use vaise hi nahian tyagata, jaise jal mean mila hua lavan jal ko nahian tyagata aur man bhi us bheant mean samarasattv ke mandir mean sansar ke sath mahasukh ki divali manata rahata hai. is prakar vyakti ko apane hi pairoan se ulate (moolasvaroop ki or) chalate rahana chahiye. he parth! yadi yah marg bhi tumase n sadh sake to tum ek aur upay suno.[1]
is tattv ke sambandh mean jara-sa bhi sandeh nahian hai ki maian hi sare sharir mean rahata hooan aur isi prakar yah bhi siddh hai ki yah sara jagath mujhamean hi hai. pratyek manushy ko yah bat achchhi tarah se samajh leni chahiye ki sara jagath aur ham ekadam ek haian aur paraspar mile hue haian. he arjun! sachchi bat to yah hai ki jo vyakti ekata ki bhavana se mujhe hi jivamatr mean saman roop se mila hua janakar mujhe bhajata hai, jivamatr mean bahyaroop se drishtigochar hone vale bhed ke karan jinake man mean kisi prakar ka bhedabhav ho hi nahian sakata aur jo sarvatr keval mera hi svaroop dekhata hai, vah vyakti is prakar ki ukti ko ekadam vyarth sabit kar deta hai ki-‘yahi maian hooan.’ aur he dhananjay! chahe maianne yah bat n kahi ho, par phir bhi aisa purush maian hi hooan. dipak aur usake prakash mean jaisi ekata ki sthiti hoti hai, thik vaisi hi sthiti meri aur usaki hai. aisa vyakti mujhamean hi rahata hai aur maian bhi aise hi vyakti mean rahata hooan. jaise udak ke astitv ke karan ras ka astitv rahata hai athava gagan ke pariman ke anusar hi avakash rahata hai, vaise hi vah vyakti bhi mere hi roop se roop dharan karata hai arthath sakar rahata hai.[2] |
|
tika tippani aur sandarbh
sanbandhit lekh
| kram sankhya | vishay | prishth sankhya |